આજની દોડધામ ભરેલી જિંદગીમાં ફિટ રહેવું એ દરેક વ્યક્તિની પ્રાથમિકતા છે, પરંતુ કામના ભારણને કારણે ઘણા લોકો જિમ જઈ શકતા નથી. જોકે, ફિટનેસ નિષ્ણાતોના મતે વજન ઘટાડવા કે કેલરી બર્ન કરવા માટે જિમ જવું જ અનિવાર્ય નથી. તમે તમારા ઘરે જ કેટલીક સરળ પણ અત્યંત અસરકારક કસરતો કરીને તમારા ફિટનેસ ગોલ્સ હાંસલ કરી શકો છો. ઘરે કસરત કરવાનો સૌથી મોટો ફાયદો એ છે કે તમે તમારી અનુકૂળતા મુજબ સમય નક્કી કરી શકો છો અને મોંઘી ફીમાંથી પણ બચી શકો છો.
-
રનિંગ
કેલરી બર્ન કરવાનો આ સૌથી સરળ અને જૂનો રસ્તો છે. રોજ 20 થી 30 મિનિટ દોડવાથી હૃદય મજબૂત બને છે અને સ્ટેમિના વધે છે. શરૂઆતમાં 5-10 મિનિટ વોર્મ-અપ કર્યા બાદ ધીમે-ધીમે ઝડપ વધારવી હિતાવહ છે.
-
સાયકલિંગ
સાયકલ ચલાવવી એ શ્રેષ્ઠ કાર્ડિયો એક્સરસાઇઝ છે. તેનાથી પગના સ્નાયુઓ મજબૂત થાય છે અને હૃદયનું સ્વાસ્થ્ય સુધરે છે. જો તમારી પાસે સમય હોય તો રોજ 15-20 મિનિટ સાયકલિંગ કરવું જોઈએ.
-
જમ્પ રોપ
આ એક હાઈ-ઈન્ટેન્સિટી કસરત છે. દોરડા કૂદવાથી ખૂબ જ ઝડપથી કેલરી બર્ન થાય છે. દિવસમાં માત્ર 5-10 મિનિટ દોરડા કૂદવાથી આખા શરીરની કસરત થઈ જાય છે.
- બોડી વેઇટ ટ્રેનિંગ
આમાં કોઈ મશીન વગર માત્ર શરીરના વજનનો ઉપયોગ કરીને કસરત કરવામાં આવે છે, જેમ કે પુશ-અપ્સ, પુલ-અપ્સ અને સ્ક્વોટ્સ. તે શરીરને મજબૂત અને લવચીક બનાવે છે.
- એરોબિક ડાન્સ
જો તમને કસરત કંટાળાજનક લાગતી હોય, તો મ્યુઝિક સાથે 20 થી 40 મિનિટ એરોબિક ડાન્સ કરવો જોઈએ. તે કેલરી ઘટાડવાની સાથે માનસિક તણાવ પણ દૂર કરે છે અને મૂડ સુધારે છે.
- સર્કિટ ટ્રેનિંગ
આમાં વિવિધ કસરતો જેવી કે સ્ક્વોટ્સ, પુશ-અપ્સ અને પ્લેન્કને વચ્ચે બ્રેક લીધા વગર સતત કરવામાં આવે છે. આનાથી મેટાબોલિઝમ ઝડપી બને છે અને ચરબી ઝડપથી ઓગળે છે.
- વોટર પોલો અને સ્વિમિંગ
જો તમારી પાસે સ્વિમિંગ પૂલની સુવિધા હોય તો વોટર પોલો અને સ્વિમિંગ આખા શરીરને ટોન કરવા માટે શ્રેષ્ઠ છે. તે સ્નાયુઓને મજબૂત બનાવે છે અને પાણીમાં હલનચલન કરવાથી વધુ ઉર્જા વપરાય છે.
- સ્ટેશનરી સાયકલિંગ
ઘરમાં જ એક્સરસાઇઝ બાઇક પર 20-30 મિનિટ પેડલિંગ કરવાથી સાંધા પર ઓછું દબાણ આવે છે અને વજન ઘટાડવામાં મોટી મદદ મળે છે.
નિષ્ણાતોના મતે, કોઈપણ કસરત શરૂ કરતા પહેલા શરીરને હાઈડ્રેટેડ રાખવું અને યોગ્ય આહાર લેવો પણ એટલો જ જરૂરી છે. જો તમે નિયમિતતા જાળવશો તો જિમ વગર પણ આકર્ષક ફિગર મેળવી શકશો.