નવી દિલ્હીઃ અમેરિકી રાષ્ટ્રપતિ જો બિડેને ઈઝરાયેલ અને હમાસ વચ્ચે ચાલી રહેલા યુદ્ધને લઈને મોટો દાવો કર્યો છે. જો બિડેને કહ્યું છે કે, “તેમને લાગે છે કે ઇઝરાયેલ પર હમાસના આતંકવાદી હુમલા પાછળનું એક કારણ નવી દિલ્હીમાં તાજેતરના G-20 સમિટ દરમિયાન મહત્વાકાંક્ષી ભારત-મધ્ય પૂર્વ-યુરોપ ઇકોનોમિક કોરિડોરની જાહેરાત હોઈ શકે છે.” વાસ્તવમાં, આ પ્રોજેક્ટ સમગ્ર પ્રદેશને રેલવે નેટવર્ક સાથે જોડે છે. 7 ઓક્ટોબરના રોજ, આતંકવાદી જૂથ હમાસ દ્વારા કરવામાં આવેલા હુમલામાં 1,400 થી વધુ ઇઝરાયેલીઓ માર્યા ગયા હતા. આ હુમલા બાદ ઈઝરાયેલે હમાસ વિરુદ્ધ મોટા પાયે જવાબી કાર્યવાહી શરૂ કરી હતી. બંને વચ્ચે હજુ પણ યુદ્ધ ચાલુ છે.
બિડેને ઓસ્ટ્રેલિયાના વડા પ્રધાન એન્થોની અલ્બેનિસ સાથે સંયુક્ત પ્રેસ કોન્ફરન્સમાં કહ્યું કે, “તેમણે આ મૂલ્યાંકન પોતે કર્યું છે અને તેની પાસે તેના માટે કોઈ પુરાવા નથી. તેની પાછળ ક્યાંકને ક્યાંક મોટું કારણ છે. જોકે મારી પાસે તેના વિશે કોઈ પુરાવા નથી. છે.” પણ મારો અંતરાત્મા મને આ કહે છે. તેમણે એમ પણ કહ્યું કે અમે આ પ્રોજેક્ટને પાછળ છોડી શકતા નથી.
અત્રે ઉલ્લેખનીય છે કે, એક સપ્તાહની અંદર આ બીજી વખત છે જ્યારે જો બિડેને હમાસ હુમલાના સંભવિત કારણ તરીકે ભારત-મધ્ય પૂર્વ-યુરોપ આર્થિક કોરિડોર (IMEC) નો ઉલ્લેખ કર્યો છે. ઘણા લોકો આ આર્થિક કોરિડોરને ચીનના BRI પ્રોજેક્ટના વિકલ્પ તરીકે પણ જોઈ રહ્યા છે. તે સંયુક્ત રીતે અમેરિકા, ભારત, સાઉદી અરેબિયા, UAE, ફ્રાન્સ, જર્મની, ઇટાલી અને યુરોપિયન દેશોને જોડશે. સપ્ટેમ્બરમાં નવી દિલ્હીમાં આયોજિત G20 સમિટ દરમિયાન ભારતે આની જાહેરાત કરી હતી. આ કોરિડોર બે ભાગમાં હશે. એક ભાગ ઈસ્ટર્ન કોરિડોર હશે જે ભારતને ગલ્ફ ક્ષેત્ર સાથે જોડશે, જ્યારે બીજો ભાગ ઉત્તરીય કોરિડોર હશે જે ગલ્ફ પ્રદેશને યુરોપ સાથે જોડશે.