નવી દિલ્હી, 07 માર્ચ 2026: પ્રધાનમંત્રી નરેન્દ્ર મોદી આવતીકાલે નવી દિલ્હીમાં આશરે 33,500 કરોડના વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે. તેઓ આશરે 18,300 કરોડના દિલ્હી મેટ્રો પ્રોજેક્ટ્સનું ઉદ્ઘાટન અને શિલાન્યાસ પણ કરશે.
મોદી દિલ્હી મેટ્રોના બે નવા કોરિડોરનું ઉદ્ઘાટન પણ કરશે. આમાં આશરે 12.3 કિલોમીટર લાંબા મજલિસ પાર્ક – મૌજપુર બાબરપુર – પિંક લાઇન કોરિડોર અને આશરે 9.9 કિલોમીટર લાંબા દીપાલી ચોક – મજલિસ પાર્ક – મેજેન્ટા લાઇન કોરિડોરનો સમાવેશ થાય છે. પ્રધાનમંત્રી મોદી દિલ્હી મેટ્રોના ત્રણ નવા કોરિડોરનો શિલાન્યાસ પણ કરશે, જે કુલ 16 કિલોમીટરથી વધુ લાંબા છે.
મોદી સરકારી કર્મચારીઓ માટે આવાસ અને વહીવટી કચેરીઓ માટે 15,200 કરોડના પ્રોજેક્ટ્સનું ઉદ્ઘાટન અને શિલાન્યાસ પણ કરશે. આ પ્રોજેક્ટ્સ સરોજિની નગર, નેતાજી નગર, કસ્તુરબા નગર અને શ્રીનિવાસપુરીમાં ચાલી રહ્યા છે.
વધુ વાંચો: જેવર ખાતે નોઈડા આંતરરાષ્ટ્રીય એરપોર્ટને DGCA દ્વારા લાઇસન્સ આપવામાં આવ્યું