અમદાવાદઃ વરસાદી પાણીનો સંગ્રહ કરતા ખેડૂતોને ખેતીવાડીમાં સૂક્ષ્મ સિંચાઈ માટે પાંચ હોર્સ પાવરનુ અલાયદું વીજ જોડાણ આપવાનો નિર્ણય કરવામાં આવ્યો છે.
ઊર્જા મંત્રી કનુભાઈ દેસાઈએ જણાવ્યું કે, આ નિર્ણયથી ઉત્તર ગુજરાત, સૌરાષ્ટ્ર અને કચ્છ જિલ્લાના ખેડૂતોને લાભ મળશે. ખેતરમાં બનાવેલ હોજ, સંપ, ટાંકા, ખેત-તલાવડીમાંથી પાણી ઉદ્દવહન કરી સૂક્ષ્મ સિંચાઈ પદ્ધતિ માટે મહત્તમ 5 હોર્સ પાવરનું ખેતી વિષયક વીજ જોડાણ અપાશે.
પહેલા ખેડૂત કોઈ પણ સ્રોત દ્વારા પોતાના ખેતરમાં બનાવેલ હોજમાં પાણી ભરે અને સૂક્ષ્મ સિંચાઈ પદ્ધતિથી સિંચાઇ કરે તેને જ અલાયદુ કૃષિ વીજ જોડાણ આપતું હતું હવે તેમાં સુધારો કરી “હોજ ઉપરાંત સંપ, ટાંકા અને ખેત-તલાવડીમાંથી પણ ખેડૂત પાણી ઉદ્દવહન કરી શકશે. આ નિર્ણયને કારણે ભૂગર્ભજળ અને વીજબીલમાં પણ બચત થશે.