ફિનલેન્ડના પ્રધાનમંત્રીએ નરેન્દ્ર મોદી સાથે મુલાકાત કરી

નવી દિલ્હી, 18 ફેબ્રુઆરી 2026: ફિનલેન્ડના પ્રધાનમંત્રી  પેટેરી ઓર્પોએ આજે દિલ્હીમાં પ્રધાનમંત્રી નરેન્દ્ર મોદી સાથે મુલાકાત કરી હતી. બંને દેશો વેપાર બમણો કરવાનો લક્ષ્યાંક ધરાવે છે, જે આર્થિક જોડાણોને મજબૂત બનાવશે. બંને નેતાઓએ 6G, નવીનતા, સ્વચ્છ ઊર્જા, બાયોફ્યુઅલ અને સર્ક્યુલર ઇકોનોમી જેવી ભવિષ્યવાદી તકનીકોમાં સહયોગ વધારવાની ચર્ચા કરી હતી.

એક્સ પર અલગ અલગ પોસ્ટ્સમાં,નરેન્દ્ર મોદીએ કહ્યું હતું કે,”ફિનલેન્ડના પ્રધાનમંત્રી પેટેરી ઓર્પો સાથે વિગતવાર ચર્ચા કરી હતી. ભારત-યુરોપ સંબંધોમાં સુવર્ણ યુગની શરૂઆત કરનાર ભારત-EU FTA માટે તેમના વ્યક્તિગત સમર્થન બદલ તેમનો આભાર માન્યો. ભારત અને ફિનલેન્ડ વેપાર બમણો કરવાનો લક્ષ્યાંક ધરાવે છે, જે આર્થિક જોડાણોને મજબૂત બનાવશે. અમે 6G, નવીનતા, સ્વચ્છ ઊર્જા, બાયોફ્યુઅલ અને સર્ક્યુલર ઇકોનોમી જેવી ભવિષ્યવાદી તકનીકોમાં સહયોગ વધારવાની પણ ચર્ચા કરી હતી.”

અત્રે ઉલ્લેખનીય છે કે, ભારત સરકાર દ્વારા ગ્લોબલ એઆઈ ઈમ્પેક્ટ સમિટનું આયોજન કરવામાં આવ્યું છે. જેમાં દુનિયાભરની મહાન હસ્તીઓ ભાગ લેવા ભારત આવી રહી છે.

આ પણ વાંચોઃ AI સમિટમાં ગલગોટિયા યુનિવર્સિટીએ ચીની રોબોટ પ્રસ્તુત કર્યો, જાણો શું છે પૂરો વિવાદ?