નવી દિલ્હીઃ કોંગ્રેસે નીરજ ચોપરાને પેરિસ ઓલિમ્પિકમાં ભાલા ફેંક સ્પર્ધામાં સિલ્વર મેડલ જીતીને સતત બે ઓલિમ્પિક મેડલ જીતનાર પ્રથમ ભારતીય ટ્રેક અને ફિલ્ડ એથ્લેટ બનવા બદલ અભિનંદન પાઠવ્યા હતા. કોંગ્રેસ અધ્યક્ષ મલ્લિકાર્જુન ખડગેએ સોશિયલ મીડિયા પ્લેટફોર્મ ‘X’ પર કહ્યું હતું કે, “તમે હંમેશાથી ચેમ્પિયન છો. નીરજ ચોપરા, તમારી અભૂતપૂર્વ સિદ્ધિ માટે ખૂબ ખૂબ અભિનંદન.
રાજ્યસભામાં વિપક્ષના નેતાએ કહ્યું હતું કે, “પેરિસ ઓલિમ્પિકમાં પુરુષોની ભાલા ફેંક સ્પર્ધામાં સિલ્વર મેડલ જીતવો એ તમારા સમર્પણ, સખત મહેનત અને અતૂટ જુસ્સાનો પુરાવો છે. તમે ફરી એકવાર ભારતને ગૌરવ અપાવ્યું છે અને તમે નવી ઊંચાઈઓ સર કરતા રહો. તમારી સફળતા માટે શુભેચ્છા.”
લોકસભામાં વિપક્ષના નેતા રાહુલ ગાંધીએ પણ ચોપરાને તેમની સિદ્ધિ બદલ અભિનંદન પાઠવ્યા હતા. ગાંધીએ ‘X’ પર કહ્યું, “તમારા શાનદાર પ્રદર્શન અને પેરિસ ઓલિમ્પિક 2024માં સિલ્વર મેડલ જીતવા બદલ અભિનંદન, તેમણે કહ્યું, “તમે ફરી એકવાર ભારતને ખૂબ ગૌરવ અપાવ્યું છે.”
કોંગ્રેસે ‘X’ પર કહ્યું હતું કે, “નીરજ ચોપરાએ પેરિસ ઓલિમ્પિકની પુરુષોની ભાલા ફેંક સ્પર્ધામાં સિલ્વર મેડલ જીત્યો. ડિફેન્ડિંગ ચેમ્પિયન નીરજની આ સિદ્ધિ પર દરેક દેશવાસીને ગર્વ છે, જેમાં કહેવામાં આવ્યું છે કે, “નીરજે પોતાના પ્રદર્શનથી વિશ્વમાં દેશનું નામ રોશન કર્યું છે. કોંગ્રેસ પરિવાર વતી નીરજને તેમના ભવિષ્ય માટે શુભકામનાઓ. વિજયી બનો.”