નવી દિલ્હી: દિલ્હી હાઈકોર્ટે ફિલ્મના સહ-નિર્માતા ‘સિને 1 સ્ટુડિયો’ દ્વારા ડિજિટલ સ્ટ્રીમિંગ પ્લેટફોર્મ અને તેના સેટેલાઇટ ટેલિકાસ્ટ પર ફિલ્મ ‘એનિમલ’ની રિલીઝ અટકાવવાની માંગ કરતી અરજી પર સુપર કેસેટ અને નેટફ્લિક્સને નોટિસ પાઠવી હતી.. સંદીપ રેડ્ડી વાંગા દ્વારા નિર્દેશિત, આ ફિલ્મ 1 ડિસેમ્બર, 2023 ના રોજ થિયેટરોમાં રિલીઝ કરવામાં આવી હતી અને 26 જાન્યુઆરીએ નેટફ્લિક્સ પર રિલીઝ થવાની છે.
હાઈકોર્ટે ફિલ્મના સહ-નિર્માતા ‘સુપર કેસેટ્સ ઈન્ડસ્ટ્રીઝ પ્રાઈવેટ લિમિટેડ’ અને ‘ક્લોવર મેક્સ એન્ટરટેઈનમેન્ટ પ્રાઈવેટ લિમિટેડ’ (અગાઉ સોની પિક્ચર્સ નેટવર્ક્સ લિમિટેડ તરીકે ઓળખાતી)ને નોટિસ પાઠવી હતી. જસ્ટિસ સંજીવ નરુલાએ કહ્યું કે ત્રણેય પ્રતિવાદીઓએ વાદી દ્વારા રજૂ કરાયેલા દસ્તાવેજોને સ્વીકારતા અથવા નકારતા એફિડેવિટ પણ દાખલ કરવા પડશે, જેના વિના તેમના લેખિત નિવેદનો નોંધવામાં આવશે નહીં.
હાઈકોર્ટે આદેશમાં કહ્યું હતું કે, ” અંતઃ વાદપત્રને દાવો તરીકે નોંધવામાં આવે.” સમન્સ જારી કરવામાં આવવો જોઈએ.” સિને 1 સ્ટુડિયોએ કરારના ભંગનો દાવો કર્યો હતો અને કહ્યું હતું કે, તેને એક પણ રૂપિયો ચૂકવવામાં આવ્યો નથી, જ્યારે સુપર કેસેટ્સે દલીલ કરી હતી કે વાદીને 2.6 કરોડ રૂપિયા ચૂકવવામાં આવ્યા હતા, જે કોર્ટમાં જાહેર કરવામાં આવ્યા ન હતા. જો કે, સિને 1ના વકીલે કહ્યું કે આ સંદર્ભમાં રજૂ કરાયેલ દસ્તાવેજ કથિત રીતે “પ્રથમ દૃષ્ટિએ નકલી અને બનાવટી” છે.
હાઈકોર્ટે આ કેસમાં વધુ સુનાવણી 15મી માર્ચ સુધી મુલત્વી રાખી છે. તેમજ સ્પષ્ટ કર્યું હતું કે, જો કોઈ પક્ષકાર ગેરવાજબી રીતે દસ્તાવેજોનો અસ્વીકાર કરશે તો તેને દંડ કરવામાં આવશે. ફરિયાદીએ કહ્યું કે, બંને પ્રોડક્શન હાઉસે ફિલ્મના નિર્માણ માટે કરાર કર્યો હતો. સિને 1 એ દાવો કર્યો હતો કે કરાર હેઠળ તેનો નફામાં 35 ટકા હિસ્સો હતો અને ફિલ્મમાં 35 ટકા બૌદ્ધિક સંપદા અધિકારો હતા. દરમિયાન, સુપર કેસેટ તરફથી હાજર રહેલા વરિષ્ઠ વકીલ અમિત સિબ્બલે જણાવ્યું હતું કે, વાદીએ ફિલ્મમાં કોઈ પૈસા રોક્યા નથી અને તમામ ખર્ચ તેમના ક્લાયન્ટ દ્વારા ઉઠાવવામાં આવ્યા છે.