નવી દિલ્હી, 4 માર્ચ, 2026: Government of India announces helpline numbers અમેરિકી પ્રમુખ ડોનાલ્ડ ટ્રમ્પે હજુ ચાર-પાંચ અઠવાડિયા ઈરાન વિરુદ્ધ કાર્યવાહી ચાલી શકે છે તેવું નિવેદન કર્યું છે તેને પગલે યુદ્ધ લાંબું ચાલવાની સંભાવના વધી છે. એ સંજોગોમાં ઈરાન સહિત મધ્ય પૂર્વના દેશોમાં અટવાયેલા ભારતીયોને લાવવા ભારત સરકાર ચિંતિત છે. એ જ રીતે ભારતમાં રહેલા એ લોકોના સગા-વહાલા પણ ચિંતિત છે.
એ વાતને ધ્યાનમાં રાખીને ભારત સરકાર દ્વારા વિવિધ દેશના હેલ્પલાઈન નંબર જારી કરવામાં આવ્યા છે. વિદેશ મંત્રાલયના પ્રવક્તા રણધીર જાયસવાલે જણાવ્યું કે પશ્ચિમ એશિયા અને ખાડી ક્ષેત્રમાં વર્તમાન પરિસ્થિતિને જોતા વિદેશ મંત્રાલયમાં એક વિશેષ કંટ્રોલ રૂમ સ્થાપિત કરવામાં આવ્યો છે. આ માટે હેલ્પલાઇન નંબરો પણ જાહેર કરવામાં આવ્યા છે. મધ્ય પૂર્વમાં યુદ્ધ વધુ ઉગ્ર બનવાની સાથે-સાથે, ઇઝરાયેલ અને અમેરિકા દ્વારા ઈરાન પર સતત હુમલાઓ ચાલુ છે.
A Special Control Room has been set up in the Ministry of External Affairs in view of the current situation in West Asia and the Gulf region. Details are as below ⬇️
🔗 https://t.co/nK3d6SY9Pa pic.twitter.com/v2EhUI5B1x
— Randhir Jaiswal (@MEAIndia) March 4, 2026
આવી સ્થિતિમાં, વિદેશ મંત્રાલય (MEA) એ બુધવારે પશ્ચિમ એશિયા અને ખાડી ક્ષેત્રની વર્તમાન સ્થિતિને ધ્યાનમાં રાખીને નવી દિલ્હીમાં એક વિશેષ કંટ્રોલ રૂમની સ્થાપના કરી છે. આ કંટ્રોલ રૂમ સવારે 9 વાગ્યાથી રાત્રે 9 વાગ્યા સુધી કાર્યરત રહેશે અને તેનો ઉદ્દેશ્ય ભારતીય નાગરિકોને સહાય કરવાનો અને ક્ષેત્રમાં બદલાતી સ્થિતિ સંબંધિત પ્રશ્નોના ઉત્તર આપવાનો છે.
લોકો આ નંબરો દ્વારા કંટ્રોલ રૂમનો સંપર્ક કરી શકે છે:
1800118797
+91 11 2301 2113
+91 11 2301 4104
+91 11 2301 7905
આ ક્ષેત્રમાં આવેલા ભારતીય દૂતાવાસોના ઈમરજન્સી કોન્ટેક્ટ નંબર નીચે મુજબ છે:
બહેરીન: +973 39418071
ઈરાન: +98 9128109115 / +98 912810910 / +98 912810910 / +98 932179359
ઇરાક: +964 771 651 1185 / +964 770444 4899
ઇઝરાયેલ: +972 54 7520711 / +972 54 2428378
જોર્ડન: +962 770 422 276
કુવૈત: +965 65501946
લેબનાન: +961 76860128
ઓમાન: +968 98282270 (વોટ્સએપ) / 80071234
કતાર: +974 55647502
રામલ્લાહ, પેલેસ્ટાઈન: +970 592916418
સાઉદી અરેબિયા (રિયાધ): +966 11 4884697 / 800 247 1234
સાઉદી અરેબિયા (જેદ્દાહ): +966 126648660 / +966 12 2614093
સંયુક્ત આરબ અમીરાત: +971 543090571 (વોટ્સએપ) / 800 46342
28 ફેબ્રુઆરીએ શરૂ થઈ હતી સૈન્ય કાર્યવાહી
આ સંઘર્ષ શનિવારે (28 ફેબ્રુઆરી) શરૂ થયો હતો. ખરેખર તો અમેરિકા અને ઇઝરાયલે ઈરાનમાં અનેક હુમલા કર્યા હતા, જેમાં ઈરાનના સુપ્રીમ લીડર અયાતુલ્લા અલી ખામેનેઈ અને અન્ય ઘણા વરિષ્ઠ અધિકારીઓનું નિધન થયું હતું. બંને દેશોએ તેને એક મોટું સૈન્ય અભિયાન ગણાવ્યું હતું. ઈરાની સરકારી મીડિયાએ બાદમાં હુમલામાં ખામેનેઈના અવસાનની પુષ્ટિ કરી હતી, જેનાથી દુશ્મનાવટમાં નાટકીય વધારો થયો અને વ્યાપક વળતા હુમલા શરૂ થયા.
ત્યારથી, સમગ્ર ક્ષેત્રમાં હુમલાઓ અને વળતા હુમલાઓ તેજ બન્યા છે, જેના જવાબમાં ઈરાને ઇઝરાયલી સંપત્તિઓ, અમેરિકી સૈન્ય મથકો અને ખાડી ક્ષેત્રના વ્યૂહાત્મક સ્થાનોને નિશાન બનાવ્યા છે.