સૌથી વધુ હીટ ફિલ્મોમાં સામેલ થનારી સપ્તમી ગૌડાની ફિલ્મ ‘કાંતારા’એ રિલીઝ થયા બાદ બોક્સ ઓફિસ પર જાણે ધૂમ મચાવી દીધી છે. અત્યાર સુધી દર્શકો આ ફિલ્મને થિયેટરમાં જઈને માણી આવ્યા છે, ત્યારે હવે ફિલ્મ દર્શકોના ઘરે આવવાની તૈયારી કરી રહી છે.
હવે આ ફિલ્મને આવતાં અઠવાડિયે એમેઝોન પ્રાઈમ પર રિલીઝ કરવામાં આવી રહી છે. જેના કારણે લાખો દર્શકો કે જે લોકોએ હજી આ ફિલ્મ નથી જોઈ તેમને ઘેરબેઠાં ફિલ્મ જોવાનો મોકો મળી જશે. પહેલાં આ ફિલ્મ કન્નડ ભાષામાં રિલીઝ થઇ હતી અને ત્યારબાદ તેની હિન્દી રિમેકને રિલીઝ કરવામાં આવી. રિલીઝ થતાંની સાથે જ અ ફિલ્મે અદ્ભુત સફળતા મેળવી છે. અને બોક્સઓફિસ પર જોરદાર કલેક્શન પણ મેળવ્યું છે. આશા છે કે આ ફિલ્મને થિયેટર જેવી જ સફળતા ઓટીટી પ્લેટફોર્મ પર પણ મળશે. જો કે હજી સત્તાવાર રીતે ફિલ્મમેકર્સ તરફથી ઓટીટી રિલીઝ વિષે કોઈ જાણકારી આપવામ આવી નથી, પરંતુ આધારભૂત માહિતી મુજબ ચોવીસ નવેમ્બરે આ ફિલ્મ એમેઝોન પ્રાઈમ પર રિલીઝ કરવામાં આવી શકે છે. તો તમે પણ આ ફિલ્મ હજી સુધી ના જોઈ હોય, તો હવે બહુ રાહ નહિ જોવી પડે. ટૂંક જ સમયમાં તમે આ ફિલ્મ તમારા ઘરે નિહાળી શકશો.
(ફોટો: ફાઈલ)