જો તમે પણ ઘરે સાદી ખીચડી ખાઈને કંટાળી ગયા હોવ તો તમે ઓછા સમયમાં હોટલ જેવી જ સ્વાદિષ્ટ મસાલેદાર ખીચડી બનાવી શકો છો.
• બટર ખીચડી બનાવવા માટેની સામગ્રી
ઘરે સ્વાદિષ્ટ અને અનોખી બટર ખીચડી બનાવવા માટે તમારે કેટલીક સામગ્રીની જરૂર પડશે. જેમ કે 1 કપ મગની દાળ, 1 કપ ચોખા, 2-3 બારીક સમારેલા લીલા મરચાં, 1 ઇંચ છીણેલું આદુ, 1 ચમચી જીરું, ચપટી હિંગ, 1 ચમચી હળદર, 1 ચમચી લાલ મરચું પાવડર, 1 ચમચી ધાણાજીરુ, મીઠુ સ્વાદ પ્રમાણે, એક ચમચી ઘી, સમારેલી કોથમી અને લીંબુનો રસ.
• બટર ખીચડી બનાવવાની રીત
ટેસ્ટી ખીચડી બનાવવા માટે સૌથી પહેલા તમારે મગની દાળ અને ચોખા બંનેને બે થી ત્રણ વાર ચોખ્ખા પાણીથી સારી રીતે ધોઈ લો. આ પછી આ બંને વસ્તુઓને થોડી વાર પાણીમાં પલાળી રાખો. હવે કૂકરમાં પલાળેલી દાળ અને ચોખા મૂકો. આ પછી કુકરમાં તમારા સ્વાદ પ્રમાણે હળદર, લાલ મરચું પાવડર, ગરમ મસાલો અને અન્ય મસાલા નાખો. તેમાં પાણીનું પ્રમાણ થોડું વધારે હોવું જોઈએ. કુકરમાંથી ત્રણ-ચાર સીટી આવે એટલે એક પેનમાં ઘી ગરમ કરો. તેમાં જીરું અને હિંગ ઉમેરો. જીરું બરાબર તતડે એટલે તેમાં લીલાં મરચાં અને છીણેલું આદુ ઉમેરો. જો તમે ઈચ્છો તો તેમાં બારીક સમારેલી ડુંગળી અથવા ટામેટાં પણ ઉમેરી શકો છો. હવે કુકરમાં બધા શેકેલા મસાલા નાખીને બરાબર મિક્ષ કરી લો.
હવે આ ખીચડીને એક બાઉલમાં કાઢીને તેમાં બારીક સમારેલી કોથમીર અને લીંબુનો રસ ઉમેરીને સર્વ કરો. જો તમે તમારી ખીચડીને વધુ સ્વાદિષ્ટ બનાવવા માંગો છો, તો તમે તમારી પસંદગી મુજબ કેટલાક શાકભાજી ઉમેરી શકો છો. જો તમને દહીં ગમે છે, તો તમે ખીચડી સાથે દહીં પણ સર્વ કરી શકો છો. જો તમે આ ખીચડીનો સ્વાદ વધારવા માંગતા હોવ તો તમે ઉપર ઘી કે માખણ પણ ઉમેરી શકો છો. તેનાથી તમારી ખીચડી વધુ સ્વાદિષ્ટ લાગશે.
