રૂપાલી ગાંગુલી બની ટીવીની સૌથી વધુ કમાણી કરનાર અભિનેત્રી,એક એપિસોડની કમાણી જાણીને તમે દંગ રહી જશો
- રૂપાલી ગાંગુલી બની સૌથી વધુ કમાણી કરનાર અભિનેત્રી
- એક એપિસોડ માટે લે છે ત્રણ લાખ રૂપિયા
- આ પહેલા 1.5 લાખ રૂપિયા મળતા હતા
મુંબઈ:ટીવી શો અનુપમાએ નાના પડદા પર ધૂમ મચાવી છે.દર અઠવાડિયે આ શો TRP લિસ્ટમાં ટોપ પર રહે છે.ફેન્સ પણ અનુપમા અને અનુજ કાપડિયાની જોડીને ખૂબ પસંદ કરી રહ્યા છે.હવે અમે તમને એવા સમાચાર જણાવવા જઈ રહ્યા છીએ કે,તમે રૂપાલીના ફેન હોવા પર ગર્વ અનુભવશો.અહેવાલો અનુસાર, અનુપમાની અભિનેત્રી રૂપાલી ગાંગુલી ટીવીની સૌથી વધુ કમાણી કરનાર અભિનેત્રી બની ગઈ છે.
મીડિયા રિપોર્ટ્સ અનુસાર, અભિનેત્રી દરેક એપિસોડ માટે ત્રણ લાખ રૂપિયા લે છે. પહેલા આ શો માટે રૂપાલીને 1.5 લાખ રૂપિયા મળતા હતા, પરંતુ શોની વધતી લોકપ્રિયતા બાદ રૂપાલીની ફી પણ વધી ગઈ અને હવે તે રોજના 3 લાખ રૂપિયા લેવા લાગી છે. રૂપાલીએ આ રેસમાં ઘણી યુવા અને પ્રખ્યાત અભિનેત્રીઓને પાછળ છોડી દીધી છે.એટલું જ નહીં રૂપાલીએ ટીવીમાં રામ કપૂર, રોનિત રોયની ફી પણ પાછળ છોડી દીધી છે. અહેવાલો અનુસાર, તાજેતરમાં રૂપાલીએ તેની ફી વધારી દીધી છે.
જ્યારે રૂપાલી ગાંગુલીને અનુપમાના રોલ માટે પ્રતિ એપિસોડ રૂ. 3 લાખ, સુધાંશુ પાંડે અને ગૌરવ ખન્નાને પ્રતિ એપિસોડ રૂ. 1.5 લાખ મળે છે.રાજન શાહીનો આ શો તમામ શોને પછાડીને નંબર સ્પોટ પર પહોંચી ગયો છે.આ સમાચારથી રૂપાલીના ફેન્સ ખૂબ જ ખુશ છે
