નવી દિલ્હીઃ ભારતના જાણીતા ઉદ્યોગપતિ અને રિલાયન્સ ગ્રુપના વડા મુકેશ અંબાણીના નાના પુત્ર અનંત અંબાણીની સગાઈ રાધિકા મર્ચેંટ સાથે થઈ હોવાનું જાણવા મળે છે. રિલાયન્સ જૂથના ડાયરેક્ટર પરિમલ નથવાણીએ ટ્વીટ કરીને આ અંગેની જાહેરાત કરી હતી. અનંત અને રાધિકાની રીંગ સેરેમની શ્રીનાથજી મંદિરમાં થઈ હતી. રાધિકા અને અનંત બાળપણથી એકબીજાને ઓળખે છે.
રાધિકા મર્ચેંટ અનકોર હેલ્થકેરના સીઈઓ વિરેન મર્ચેંટ અને શૈલા મર્ચેંટની દીકરી છે. રાધિકા એક ટ્રેન્ડ ડાન્સર છે. તેમણે નિભઆ આટર્સના ગુરુ ભાવના ઠાકર પાસેથી ભરતનાટ્યમ શિખ્યાં છે. રાધિકાનો પરિવાર ગુજરાતના કચ્છનો છે અને રાધિકાની નાનીબહેનનું નામ અંજલી છે. 18મી ડિસેમ્બરના રોજ મુંબઈમાં જન્મેલી રાધિકાએ મુંબઈની સ્કૂલમાં અભ્યાસ કર્યો હતો. તેમજ ન્યૂયોર્કની યુનિવર્સિટીમાંથી રાજનીતિ અને અર્થશાસ્ત્રમાં ગ્રેજ્યુએશન કર્યું છે. વર્ષ 2017માં રાધિકા સેલ્સ એક્ઝિક્યુટીવ તરીકે રિયલ એસ્ટેટ ફર્મ ઈસ્પ્રવા ટીમમાં જોડાઈ હતી. રાધિકાને વાંચવાનો, ટ્રેકિંગ અને સ્વીમિંગનો શોખ છે. જૂન 2022 માં, અંબાણી પરિવારે તેમની ભાવિ પુત્રવધૂ રાધિકા મર્ચન્ટ માટે આરંગેત્રમ સમારોહનું આયોજન કર્યું હતું. જ્યાં બોલિવૂડના ઘણા પ્રખ્યાત સ્ટાર્સ પહોંચ્યા હતા. સમારંભમાં રાધિકા ક્લાસિકલ ડાન્સ કરતી હોવાના ઘણા વીડિયો સામે આવ્યા છે.
