આંતરરાષ્ટ્રીય ક્રિકેટમાં, ખેલાડીની સાતત્ય અને મેચ પર નિયંત્રણનો સૌથી મોટો પુરાવો પ્લેયર ઓફ ધ સિરીઝ એવોર્ડ છે. આ સન્માન તે ખેલાડીને આપવામાં આવે છે જે સમગ્ર શ્રેણી દરમિયાન ટીમ માટે સૌથી પ્રભાવશાળી પ્રદર્શન કરે છે. ચાલો જાણીએ એવા ટોચના 5 ક્રિકેટરો વિશે જેમણે ત્રણેય ફોર્મેટ (ટેસ્ટ, ODI, T20I) માં સૌથી વધુ વખત આ એવોર્ડ જીત્યો છે.
વિરાટ કોહલી – ભારત
ભારતીય રન-મશીન વિરાટ કોહલી આ યાદીમાં ટોચ પર છે. તેણે 2008 થી 553 મેચ અને 167 શ્રેણીમાં 21 વખત પ્લેયર ઓફ ધ સિરીઝનો એવોર્ડ જીત્યો છે. તેને ટેસ્ટમાં ત્રણ વખત, વનડેમાં 11 વખત અને T20માં સાત વખત આ સન્માન મળ્યું છે. કોહલીના સતત પ્રદર્શન અને જીતની ભૂખ તેને અન્ય ખેલાડીઓથી અલગ પાડે છે.
સચિન તેંડુલકર – ભારત
‘ક્રિકેટના ભગવાન’ સચિન તેંડુલકર ભલે હવે રમતથી દૂર હોય, પરંતુ તેમના નામ વગર રેકોર્ડની ચર્ચા કરવી અશક્ય છે. તેમણે 1989 થી 2013 દરમિયાન 20 વખત પ્લેયર ઓફ ધ સિરીઝનો એવોર્ડ જીત્યો, જેમાં પાંચ ટેસ્ટ અને 15 વનડે શ્રેણીનો સમાવેશ થાય છે. આ બતાવે છે કે તેમણે બે દાયકા સુધી ક્રિકેટ પર કેવી રીતે પ્રભુત્વ જમાવ્યું.
શાકિબ અલ હસન – બાંગ્લાદેશ
બાંગ્લાદેશનો સ્ટાર ઓલરાઉન્ડર શાકિબ અલ હસન આ યાદીમાં ત્રીજા ક્રમે છે. તેણે 162 શ્રેણીમાં 17 વખત આ એવોર્ડ જીત્યો છે. શાકિબ પાસે બેટ અને બોલ બંનેથી મેચ બદલવાની ક્ષમતા છે. તેણે પાંચ ટેસ્ટ, સાત વનડે અને પાંચ T20 શ્રેણીમાં આ સિદ્ધિ મેળવી છે.
જેક્સ કાલિસ – દક્ષિણ આફ્રિકા
વિશ્વના મહાન ઓલરાઉન્ડરોમાંના એક, જેક્સ કાલિસ પણ આ યાદીમાં છે. તેમણે પોતાની કારકિર્દીમાં 519 મેચ અને 148 શ્રેણી રમીને 15 વખત આ એવોર્ડ જીત્યો હતો.ટેસ્ટ અને વનડે બંનેમાં, તેણે પોતાના વર્ગથી મેચોનો માહોલ પલટાવી દીધો.
ડેવિડ વોર્નર – ઓસ્ટ્રેલિયા
ઓસ્ટ્રેલિયાના વિસ્ફોટક ઓપનર ડેવિડ વોર્નર આ યાદીમાં પાંચમા ક્રમે છે. તેણે 383 મેચ અને 126 શ્રેણીમાં 13 વખત પ્લેયર ઓફ ધ સિરીઝનો એવોર્ડ જીત્યો છે. તેની આક્રમક બેટિંગ દરેક ફોર્મેટમાં ઓસ્ટ્રેલિયાની તાકાત રહી છે.
