સિરમૌર 09 જાન્યુઆરી 2026: હિમાચલ પ્રદેશના સિરમૌર જિલ્લામાં એક ભયાનક માર્ગ અકસ્માત થયો છે. રેણુકાજી વિધાનસભા મતવિસ્તારના હરિપુરધારમાં એક ખાનગી બસે કાબુ ગુમાવ્યો અને 400 મીટર લાંબી ખીણમાં ખાબકી ગઈ. આ અકસ્માતમાં 9 લોકોના મોત થયાના અહેવાલ છે.
આ દુ:ખદ અકસ્માતમાં લગભગ એક ડઝન લોકો ઘાયલ થયા છે. મૃત્યુઆંક વધવાની આશંકા છે. અત્યાર સુધીમાં અંદાજે 30 લોકોને બચાવી લેવામાં આવ્યા છે. સ્થાનિક રહેવાસીઓ રાહત અને બચાવ કામગીરીમાં રોકાયેલા છે. પોલીસની એક ટીમ પણ ઘટનાસ્થળે પહોંચી ગઈ છે.
પ્રાથમિક માહિતી મુજબ, જીત કોચ બસ શિમલા જિલ્લાના કુપવીથી સોલન જઈ રહી હતી. ધુમ્મસ અને ઠંડીને કારણે રસ્તો લપસણો હતો, જેના કારણે બસે કાબુ ગુમાવ્યો અને અકસ્માત થયો.
સંગ્રાહ, રાજગઢ અને નૌહરાધારના પોલીસ કર્મચારીઓ અકસ્માત સ્થળ માટે રવાના થઈ ગયા છે. સિરમૌર જિલ્લા પોલીસ અધિક્ષક નિશ્ચય સિંહ નેગી પણ નાહનથી અકસ્માત સ્થળ માટે રવાના થઈ ગયા છે.
વધુ વાંચો: સોમનાથના સ્વાભિમાન પર્વ માટે રવિવારે એસટીની 1800 બસો ફાળવાશે
