અમદાવાદ એડવર્ટાઈઝિંગ વેલફેર સર્કલ એસોસિએશન દ્વારા AACA મીડિયા એવોર્ડસ 2026નું આયોજન કરાયું
અમદાવાદ, 6 જાન્યુઆરી 2026 : અમદાવાદ એડવર્ટાઈઝિંગ વેલફેર સર્કલ એસોસિએશન (AACA) દ્વારા આયોજિત ભવ્ય ફેસ્ટિવલ ઓફ એડવર્ટાઈઝિંગ ૨૦૨૬ અંતર્ગત એએસીએ મીડિયા એવોર્ડ્સ ૨૦૨૬નું અમદાવાદમાં સફળ આયોજન કરવામાં આવ્યું હતું. આ પ્રસંગ એએસીએના ૩૫ વર્ષના ગૌરવસભર પ્રવાસની ઐતિહાસિક ઉજવણી તરીકે ઉજવાયો.
આ ફેસ્ટિવલે સમગ્ર એડવર્ટાઈઝિંગ ઈન્ડસ્ટ્રીમાં જોરદાર મોમેન્ટમ સર્જ્યુ હતું. અગ્રણી એડવર્ટાઈઝિંગ એજન્સીઓ, મીડિયા ઓનર્સ, મીડિયા પ્રોફેશનલ્સ અને એડવર્ટાઇઝર્સ એક મંચ પર એકત્રિત થયા અને ગુજરાતની એડવર્ટાઈઝિંગ ફેટરનિટીએ ક્રિએટિવિટી, કોલોબ્રેશન અને વેલ્યુ-ડ્રિવન ગ્રોથના સાડા ત્રણ દાયકાના યોગદાનની ભવ્ય ઉજવણી કરી હતી. ગ્રાન્ડ રેડ કાર્પેટ વેલકમ, ઍગેજિંગ એન્ટરટેઈનમેન્ટ અને જીવંત સંવાદોએ સમગ્ર વાતાવરણને ઉત્સવમય બનાવી દીધું.
આ પ્રતિષ્ઠિત એવોર્ડ સમારોહમાં પ્રિન્ટ, ટેલિવિઝન- સિનેર્મા, રેડિયો, આઉટડોર અને ડિજિટલ એડવર્ટાઈઝિંગ કેટેગરીઝમાં શ્રેષ્ઠ કાર્ય બદલ કુલ ૩૯ એવોર્ડ્સ એનાયત કરવામાં આવ્યા હતા. નોમિનેશન અનાઉન્સમેન્ટ્સ અને એવોર્ડ પ્રેઝન્ટેશન દરમિયાન ઉત્સાહ પીક પર હતો અને અનેક ઈમોશનલ તથા મેમોરેબલ મોમેન્ટ્સ જોવા મળ્યા, જેનાથી એડવર્ટાઈઝિંગ એજન્સીઓની ક્રિએટિવ જર્નીને ગૌરવપૂર્ણ ઓળખ મળી. આ વર્ષે પ્રથમવાર સેન્ટ્રલ ગુજરાત, સાઉથ ગુજરાત અને સૌરાષ્ટ્ર-કચ્છની એડવર્ટાઈઝિંગ એજન્સીઓને એએસીએ દ્વારા વિશેષ પ્લેટફોર્મ આપવામાં આવ્યું અને ઈન્ડસ્ટ્રીના વિકાસમાં તેમના યોગદાન બદલ સન્માનિત કરવામાં આવ્યા.
એએસીએના પ્રમુખ મનિષ ગાંધીએ જણાવ્યું હતું કે, “એએસીએ મીડિયા એવોર્ડ્સ ૨૦૨૬ માત્ર એક એવોર્ડ નાઇટ નહોતો, પરંતુ એડવર્ટાઈઝિંગ ઇન્ડસ્ટ્રીની એનર્જી, એકતા અને ક્રિએટિવ શક્તિનું સાચું પ્રતિબિંબ હતું. મીડિયા ફેટરનિટી તરફથી મળેલો ઓવરવ્હેલ્ડિંગ સપોર્ટ આ ફેસ્ટિવલને ખરેખર ઈમ્પેક્ટફુલ બનાવવામાં સહાયક બન્યો.” તમામ માસ મીડિયા પ્લેટફોર્મ્સ પર મળેલા વ્યાપક કવરેજના કારણે ફેસ્ટિવલ ઓફ એડવર્ટાઈઝિંગ ૨૦૨૬ને મજબૂત નેશનલ રેકગ્નિશન મળ્યું અને એએસીએ દેશના ક્રિએટિવ મેપ પર પોતાની વિશિષ્ટ ઓળખ સ્થાપિત કરી. આ અવસરે એએસીએ દ્વારા આવનારા સમયમાં કોફી ટેબલ બુક, ક્રિએટિવ સ્પાર્ક, બ્લડ ડોનેશન ડ્રાઈવ, લેજેન્ડ ટોક-શો અને એએસીએ ક્રિકેટ કાર્નિવલ જેવી પહેલોની જાહેરાત પણ કરવામાં આવી, જે ક્રિએટિવિટી, સોશિયલ રિસ્પોન્સિબિલિટી અને ઈન્ડસ્ટ્રી કોલોબ્રેશન પ્રત્યેની એએસીએની પ્રતિબદ્ધતાને વધુમજબૂત બનાવશે.
