હરિયાણાની હિંસાને જોતા રાજધાની દિલ્હીમાં એલર્ટ – મોટી સંખ્યા પોલીસ ફોર્સ તૈનાત કરીને સુરક્ષા વધારાઈ

દિલ્હી પોલીસ દ્રારા રાજધાનીના વિવિધ ભાગોમાં પેટ્રોલિંગ કરવામાં આવી રહ્યું છે, નૂહ-ગુરુગ્રામની સ્થિતિને ધ્યાનમાં રાખીને આ પગલું લેવામાં આવ્યું છે. એક વરિષ્ઠ પોલીસ અધિકારી એ જણાવ્યું કે પોલીસ આસપાસના વિસ્તારોમાં અને દેશમાં બનતી ઘટનાઓ પર નજર રાખી રહી છે અને દિલ્હી પર તેની અસરને લઈને સતર્ક છે.

આ સહીત કેન્દ્રીય એજન્સીઓએ દિલ્હી અને હરિયાણાની સરહદોની નજીક આવેલા યુપીના કેટલાક જિલ્લાઓમાં વિશેષ સાવચેતી રાખવાની સલાહ આપી છે. ગુપ્તચર એજન્સીઓએ આશંકા વ્યક્ત કરી છે કે અન્ય રાજ્યોમાં પણ આવી જ ઘટનાઓ બની શકે છે. અન્ય એક ચેતવણી સંદેશમાં કહેવામાં આવ્યું છે કે ભીડને નિયંત્રિત કરવા માટે સુરક્ષા કર્મચારીઓ પાસે તોફાન વિરોધી સાધનો હોવા જોઈએ.