FASTag દ્વારા દૈનિક ટોલ કલેક્શન રૂ. 193 કરોડથી વધુના રેકોર્ડ ઉચ્ચ સ્તરે પહોંચ્યું
નવી દિલ્હીઃ ભારતમાં ટોલ વસૂલાત માટે FASTag સિસ્ટમનો અમલ સતત વૃદ્ધિ સાથે ખૂબ જ સફળ સાબિત થયો છે. તાજેતરમાં, FASTag સિસ્ટમ દ્વારા દૈનિક ટોલ કલેક્શન રૂ. 193.15 કરોડની સર્વકાલીન ઊંચી સપાટીને પાર કરીને અને એક જ દિવસમાં 1.16 કરોડ વ્યવહારો રજીસ્ટર કરીને ઐતિહાસિક સીમાચિહ્નરૂપ હાંસલ કરે છે.
સરકારે ફેબ્રુઆરી 2021 માં FASTag ફરજિયાત બનાવ્યા પછી, FASTag પ્રોગ્રામ હેઠળ ટોલ પ્લાઝાની સંખ્યા 770 થી વધારીને 1,228 કરી હતી, જેમાં રાજ્યના 339 ટોલ પ્લાઝાનો સમાવેશ થાય છે. વપરાશકર્તાઓમાં લગભગ 97 ટકાના પ્રસાર દર અને તેમને જારી કરાયેલા 6.9 કરોડથી વધુ FASTags સાથે, સિસ્ટમે રાષ્ટ્રીય ધોરીમાર્ગ સંબંધિત ટોલ પ્લાઝા પર રાહ જોવાનો સમય ઘટાડીને વપરાશકર્તા અનુભવમાં નોંધપાત્ર સુધારો કર્યો છે.
હાઇવે ઉપર વાહનચાલકો દ્વારા FASTagને અપનાવવાને કારણે કાર્યક્ષમ ટેલ વસુલાતની સાથે રસ્તા સાથે જોડાયેલી પરિસંપત્તિનું વધુ સચોટ મૂલ્યાંકન પણ થયું છે, જેના પરિણામે ભારતના હાઇવે ઇન્ફ્રાસ્ટ્રક્ચરમાં વધુ કાર્યક્ષમતા આવી છે. ટોલ વસૂલાતમાં તેની અસરકારકતા ઉપરાંત, FASTag એ સમગ્ર દેશમાં 50 થી વધુ શહેરોમાં 140 થી વધુ પાર્કિંગ લોટ પર પાર્કિંગ ફી માટે સીમલેસ અને સુરક્ષિત સંપર્ક રહિત ચુકવણીની સુવિધા પણ પુરી પાડી છે.
દેશમાં હવે ટોલનાકા ઉપર વસુલવામાં આવેલા પરિવર્તનથી વાહન ચાલકોને પણ મોટી રાહત થઈ છે. FASTagના અમલના પગલે વાહન ચાલકો અને ટોલનાકા ઉપર ફરજ બજાવતા કર્મચારીઓ વચ્ચે થતા અણબનાવોમાં પણ નોંધપાત્ર ઘટાડો થયો છે. બીજી તરફ વાહન ચાલકોને વધારે મુશ્કેલીનો સામનો ના કરવો પડે તેવા પણ સરકાર દ્વારા સતત પ્રયાસો કરવામાં આવી રહ્યાં છે.
