ઓસ્ટ્રેલિયામાં ભારતીય ટ્રક ડ્રાઈવરને લૂંટવાની યોજના બે ગોરાઓને કેવી મોંઘી પડી, જુઓ વીડિયો
મેલબર્ન, 24 માર્ચ, 2026: મેલબર્નમાં ભારતીય ટ્રક ડ્રાઇવરોને લૂંટવા આવેલા ઓસ્ટ્રેલિયાના 2 લૂંટારુઓને ભારે પડી ગયું છે. તેમાંથી એક ટ્રક ડ્રાઇવર બંને લૂંટારુઓ સામે એકલા ભારે હિંમત બતાવી અને બંને ગોરાઓને બરાબરના માર્યા. હાલત એવી થઈ ગઈ કે ગોરા લૂંટારુઓ કારમાં સવાર થઈને પોતાનો જીવ બચાવીને ભાગવા લાગ્યા. તેમ છતાં ભારતીય ટ્રક ડ્રાઇવરે લૂંટારુઓને મારવાનું ચાલુ રાખ્યું હતું. ત્યારબાદ ટ્રક ડ્રાઇવરનો બીજો ભારતીય સાથી પણ ત્યાં આવી પહોંચ્યો અને તે પણ બંને લૂંટારુઓને મારવા લાગ્યો, જેનાથી લૂંટારુઓની હાલત કફોડી થઈ ગઈ હતી.
ભારતીય ટ્રક ડ્રાઇવરોએ બતાવી બહાદુરી
મળતી માહિતી મુજબ, 20 માર્ચના રોજ મેલબર્નમાં બે ભારતીય ટ્રક ડ્રાઇવરો પર લૂંટારુઓએ હુમલો કર્યો હતો. આ ઘટના શહેરના સ્કોર્સબી વિસ્તારમાં એક પેટ્રોલ પંપના પાર્કિંગમાં બની હતી. એલજી (LG) કંપનીમાં ડિલિવરી ટ્રક ડ્રાઇવર તરીકે કામ કરતા ભારતીય મૂળના બે ડ્રાઇવરો જ્યારે પોતાના વાહન પાસે ઉભા હતા, ત્યારે બે હથિયારધારી ગુંડાઓએ તેમના પર હુમલો કર્યો. લૂંટારુઓએ માત્ર ટ્રકની ચાવીઓ જ ન માંગી, પરંતુ તેમની સાથે ગેરકાયદે રીતે વંશીય ગાળાગાળી પણ કરી. પરંતુ એક ડ્રાઇવર એકલો જ બંને ગુંડાઓ સામે લડવા લાગ્યો. વીડિયો ફૂટેજમાં સ્પષ્ટ દેખાય છે કે ડ્રાઇવરે ડર્યા વગર મુક્કાબાજી શરૂ કરી દીધી અને થોડી જ ક્ષણોમાં તેનો સાથી ડ્રાઇવર પણ મદદ માટે દોડી આવ્યો.
બે ભારતીયોએ લૂંટારુઓને પાઠ ભણાવ્યો (જુઓ વીડિયો)
વીડિયોમાં જોઈ શકાય છે કે બંને ભારતીય ડ્રાઇવરોએ ભેગા મળીને ગુંડાઓને ખરાબ રીતે માર્યો. એક ડ્રાઇવરે બચાવમાં કોઈ ટૂલ (સાધન) નો પણ ઉપયોગ કર્યો હતો. ગુંડાઓને આવા પ્રત્યાઘાતની અપેક્ષા નહોતી, તેથી તેઓ તરત જ પસ્તાવા લાગ્યા. જોકે, બાદમાં બંને લૂંટારુઓ પોતાની કારમાં સવાર થઈને ફરાર થઈ ગયા હતા. પોલીસ હવે તેમની શોધખોળ કરી રહી છે. આ ઘટનાનો વીડિયો સોશિયલ મીડિયા પર વાયરલ થયો છે અને ઓસ્ટ્રેલિયન મીડિયામાં બંને ભારતીય ડ્રાઇવરોની બહાદુરીના વખાણ થઈ રહ્યા છે. લોકો કહી રહ્યા છે કે વિદેશમાં રહીને પણ ભારતીયોએ હિંમત હારી નથી અને આત્મરક્ષણ માટે મક્કમતાથી લડાઈ લડી છે.
Goons try to rob two Indian truck drivers in Melbourne, Australia
They regretted this decision instantly pic.twitter.com/6jxDe0bbc5
— RT (@RT_com) March 24, 2026
ભારતીય સમુદાયે સુરક્ષા વધારવાની માંગ કરી
આ ઘટના ઓસ્ટ્રેલિયામાં વધી રહેલા ‘કારજેકિંગ’ અને વંશીય હુમલાઓ તરફ ઈશારો કરે છે. ભારતીય સમુદાયે આ ઘટના બાદ સુરક્ષા વધારવાની માંગ કરી છે. સદનસીબે બંને ડ્રાઇવરો સુરક્ષિત છે અને કોઈને ગંભીર ઈજા થઈ નથી. પોલીસ આ મામલે વધુ તપાસ કરી રહી છે. બંને ભારતીય ડ્રાઇવરોની આ સાહસિક કહાની હવે ચર્ચાનો વિષય બની છે.
