મોંઘવારીનો વધુ એક માર,આ શહેરોમાં CNG અને PNGના ભાવ વધ્યા

• મોંઘવારીનો વધુ એક માર
• CNG અને PNGના ભાવ વધ્યા
• આ શહેરોમાં વધ્યા ભાવ

મુંબઈ:નેચરલ ગેસના ભાવમાં વધારાને કારણે દેશભરમાં સીએનજી અને પીએનજીના ભાવમાં વધારો થઈ રહ્યો છે.મુંબઈમાં CNG અને PNGના ભાવમાં વધારો થયો છે. ત્યારે અમદાવાદમાં સીએનજી મોંઘો થયો છે. આ મહિનાની શરૂઆતમાં, GAIL એ શહેરની ગેસ કંપનીઓને પૂરા પાડવામાં આવતા કુદરતી ગેસના ભાવમાં 18 ટકા વધારાની જાહેરાત કરી હતી. જે બાદ દેશભરમાં CNG અને PNGના ભાવ વધવા લાગ્યા છે.સોમવારે લખનઉમાં કિંમતોમાં વધારો કરવામાં આવ્યો હતો. તે જ સમયે, આગામી સમયમાં ઘણા વધુ શહેરોમાં કિંમતો વધવાની સંભાવના છે.

સિટી ગેસ ડિસ્ટ્રીબ્યુટર મહાનગર ગેસ લિમિટેડ (MGL) એ CNGના ભાવમાં પ્રતિ કિલો રૂ. 6નો વધારો કર્યો છે. આ સાથે પાઈપ્ડ નેચરલ ગેસ (PNG)ની કિંમતમાં તાત્કાલિક અસરથી યુનિટ દીઠ 4 રૂપિયાનો વધારો કરવાની જાહેરાત કરવામાં આવી છે.એક મહિનામાં ભાવમાં આ બીજો વધારો છે.આંતરરાષ્ટ્રીય અને સ્થાનિક સ્તરે કુદરતી ગેસની વધતી કિંમતો વચ્ચે ભાવ વધારો થયો છે.છેલ્લા કેટલાક અઠવાડિયામાં, સપ્લાયર્સ અને ડિસ્ટ્રિબ્યુટરોએ વધતી કિંમતોને કારણે ઔદ્યોગિક પુરવઠો ઘટાડવાની ફરજ પડી હતી.આ વર્ષે એપ્રિલ પછી કિંમતમાં આ છઠ્ઠો વધારો છે.MGL એ એક નિવેદનમાં જણાવ્યું હતું કે, “ગેસની કિંમતમાં વધારાને કારણે, અમે ખર્ચને આવરી લેવાનો નિર્ણય કર્યો છે.તેથી અમે સીએનજીની છૂટક કિંમત વધારીને રૂ. 86 (પ્રતિ કિલો) અને સ્થાનિક પીએનજીની કિંમત રૂ. 52.50 (પ્રતિ યુનિટ) કરી છે.

તે જ સમયે, અદાણી ટોટલ ગેસે અમદાવાદમાં CNGની કિંમતમાં 1.99 રૂપિયા પ્રતિ કિલોનો વધારો કર્યો છે. જે બાદ તેની કિંમત વધીને 85.89 રૂપિયા પ્રતિ કિલો થઈ ગઈ છે. છેલ્લા 11 મહિનામાં શહેરમાં CNGના ભાવમાં 50 ટકાથી વધુનો વધારો જોવા મળ્યો છે.આ સાથે, કંપનીએ ઘરોમાં સપ્લાય કરવામાં આવતી PNGની કિંમત 1514 રૂપિયા પ્રતિ mmBtu થી વધારીને 1542 રૂપિયા પ્રતિ mmBtu કરી દીધી છે. એક MMBTU માં લગભગ 30 SCM હોય છે.