જયશંકર યુએસના વિદેશ મંત્રીને મળ્યા,યુક્રેન યુદ્ધથી લઈને પેસિફિક ક્ષેત્ર સુધીના ઘણા મુદ્દાઓ પર કરી વાત

દિલ્હી:ભારતીય વિદેશ મંત્રી એસ જયશંકર આ દિવસોમાં કંબોડિયાની રાજધાની નોમ પેન્હ પહોંચી ગયા છે.અહીં તેમણે આસિયાન-ઈન્ડિયા સમિટમાં ભાગ લીધો હતો.આ સિવાય તેઓ અમેરિકાના વિદેશ મંત્રી એન્ટની બ્લિંકનને મળ્યા હતા.આ દરમિયાન બંને સમકક્ષ નેતાઓએ ઘણા ગંભીર મુદ્દાઓ પર ચર્ચા કરી.બંને વચ્ચે યુક્રેન યુદ્ધથી લઈને વ્યૂહાત્મક ઈન્ડો-પેસિફિક ક્ષેત્ર અને દ્વિપક્ષીય સંબંધો પર પણ ચર્ચા થઈ હતી.

જયશંકર ઉપરાષ્ટ્રપતિ જગદીપ ધનખડ સાથે યાત્રા પર છે, જેઓ અહીં આસિયાન-ઈન્ડિયા સમિટ અને 17મી ઈસ્ટ એશિયા સમિટમાં ભારતીય પ્રતિનિધિમંડળનું નેતૃત્વ કરી રહ્યા છે. જયશંકરે ટ્વિટ કર્યું,અમેરિકી વિદેશ મંત્રી એન્ટની બ્લિંકન સાથે સારી મુલાકાત થઈ.યુક્રેન, ઈન્ડો-પેસિફિક, ઉર્જા, G20 અને દ્વિપક્ષીય સંબંધો પર ચર્ચા કરી.

જયશંકરે તેમના થાઈલેન્ડ સમકક્ષ ડોન પ્રમુવિનઈ સાથે પણ વાતચીત કરી હતી.