રાણી એલિઝાબેથ II ના મૃત્યુ પછી બ્રિટનના રાજા બન્યા પ્રિન્સ ચાર્લ્સ,આજે રાષ્ટ્રને સંબોધશે
- બ્રિટનના શાહી પરિવારમાં એક યુગનો અંત
- રાણી એલિઝાબેથ II ના નિધન પછી ચાર્લ્સ નવા રાજા બન્યા
- બ્રિટનના નવા રાજા ચાર્લ્સ આજે રાષ્ટ્રને સંબોધશે
દિલ્હી:બ્રિટનની મહારાણી એલિઝાબેથ દ્વિતીયનું 96 વર્ષની વયે નિધન થયું છે.તે છેલ્લા કેટલાક સમયથી બીમાર હતા અને ડોક્ટરોની દેખરેખમાં હતા. મોડી રાત્રે તેમણે આ દુનિયાને કાયમ માટે અલવિદા કહી દીધું.હવે એલિઝાબેથ દ્વિતીયની વિદાય પછી, તેનો મોટો પુત્ર ચાર્લ્સ બ્રિટનનો રાજા બન્યો છે.
73 વર્ષીય ચાર્લ્સ ઓસ્ટ્રેલિયા, કેનેડા અને ન્યુઝીલેન્ડ સહિત અન્ય 14 પ્રદેશોના વડા પણ બન્યા છે.શાહી પરિવારના નિયમો અનુસાર, એલિઝાબેથ દ્વિતીયની વિદાય પછી ચાર્લ્સે સત્તા સંભાળવાની હતી.મહારાણી એલિઝાબેથ દ્વિતીય એ માત્ર 25 વર્ષની વયે સત્તા સંભાળી હતી. એલિઝાબેથને તેના પિતા રાજા જ્યોર્જ VI ના મૃત્યુ પછી જ રાણી બનાવવામાં આવ્યા હતા. તેમણે 70 વર્ષ સુધી શાસન કર્યું અને ઘણા વડા પ્રધાનોને ઉદય અને પતન જોયા.
જો કે હવે મહારાણી એલિઝાબેથ દ્વિતીયનો યુગ પૂરો થઈ ગયો છે, પરંતુ તેમના મોટા પુત્ર ચાર્લ્સ પર મોટી જવાબદારી છે. નિયમો અનુસાર, એલિઝાબેથના મૃત્યુ પછી તરત જ ચાર્લ્સને નવા રાજા તરીકે જાહેર કરવામાં આવે છે. લંડનના સેન્ટ જેમ્સ પેલેસમાં વરિષ્ઠ સંસદસભ્યો, સનદી અધિકારીઓ, મેયર, ચાર્લ્સને ઔપચારિક રીતે રાજા બનાવવામાં આવશે.
બ્રિટનના નવા રાજા ચાર્લ્સ શુક્રવારે રાષ્ટ્રને સંબોધિત કરશે.ન્યૂઝ એજન્સી અનુસાર, તેમના પ્રવક્તાએ માહિતી આપી કે,બ્રિટનના નવા રાજાનું પહેલું સંબોધન તેમની માતા રાણી એલિઝાબેથ દ્વિતીયના મૃત્યુ પર આધારિત હશે.કહેવામાં આવી રહ્યું છે કે,આગામી થોડા દિવસો સુધી બ્રિટનમાં રાણીના અંતિમ સંસ્કાર અને રાજા ચાર્લ્સ ત્રીજાના રાજ્યાભિષેકની તૈયારીઓ જોવા મળશે.
મળતી માહિતી મુજબ શુક્રવારે બંદૂકની સલામી આપવામાં આવશે.તેમજ કિંગ ચાર્લ્સ અને ક્વીન કેમિલા વડાપ્રધાન લિઝ ટ્રસ સાથે લોકોને સંબોધવા લંડન આવશે.તે જ સમયે, નવા રાજાની સત્તાવાર જાહેરાત માટે એક ઔપચારિક બેઠક શનિવારે યોજાય તેવી શક્યતા છે.
