- GST કાઉન્સિલની 47મી બે દિવસીય બેઠક
- બેઠક આજથી ચંડીગઢમાં યોજાશે
- રાજ્યોના નાણા પ્રધાનોના જૂથ દ્વારા બે અહેવાલો રજૂ
ચંડીગઢ:GST કાઉન્સિલની બે દિવસીય બેઠક,જે મંગળવારે ચંડીગઢમાં શરૂ થઈ રહી છે, તેમાં અમુક વસ્તુઓના ટેક્સ દરોમાં ફેરફાર અને રાજ્યોને વળતરની સાથે નાના ઈ-કોમર્સ સપ્લાયર્સ માટે નોંધણી નિયમોમાં છૂટછાટ જેવા મુદ્દાઓ પર વિચારણા થવાની સંભાવના છે.
નાણામંત્રી નિર્મલા સીતારમણની અધ્યક્ષતામાં યોજાનારી GST કાઉન્સિલની 47મી બેઠકમાં રાજ્યોના નાણા પ્રધાનોના જૂથ દ્વારા બે અહેવાલો રજૂ કરવામાં આવશે.આમાં, વિપક્ષ શાસિત રાજ્યો દરોને તર્કસંગત બનાવવાની સાથે મહેસૂલ ખાધ માટે વળતર ચાલુ રાખવાની જોરદાર હિમાયત કરશે.તે જ સમયે, કેન્દ્ર સરકાર તંગ નાણાકીય સ્થિતિને ટાંકીને તેને રોકવા માંગે છે.
સેસ વસૂલાતમાં ઘટાડાને કારણે રાજ્યોના વળતર ભંડોળમાં પડેલી અછતને પહોંચી વળવા કેન્દ્રે 2020-21માં રૂ. 1.1 લાખ કરોડ અને 2021-22માં રૂ. 1.59 લાખ કરોડની લોન લીધી હતી. લખનઉમાં કાઉન્સિલની 45મી બેઠકમાં સીતારમણે કહ્યું હતું કે,રાજ્યોને મહેસૂલની અછત માટે વળતર આપવાની સિસ્ટમ જૂન 2022માં સમાપ્ત થઈ જશે.ચંડીગઢમાં યોજાનારી બેઠકમાં અધિકારીઓની સમિતિ અથવા ફિટમેન્ટ સમિતિ દ્વારા સૂચિત કર દરો પર પણ વિચારણા કરવામાં આવશે.
