- 1 એપ્રિલથી ક્રિપ્ટોકરન્સી પર લાગુ થશે નવો નિયમ
- વેચાણમાં નફા પર જ 30% ટેક્સ ચૂકવવો પડશે
- દેશમાં 10 મિલિયન ક્રિપ્ટોકરન્સી વપરાશકર્તાઓ
મુંબઈ:નવા નાણાકીય વર્ષના પ્રથમ દિવસ એટલે કે 1 એપ્રિલથી ઘણા ફેરફારો જોવા મળશે.એક મોટો ફેરફાર ક્રિપ્ટોકરન્સી પરનો ટેક્સ છે. નાણામંત્રીએ તાજેતરના બજેટમાં આ જાહેરાત કરી હતી.તેમાં કહેવામાં આવ્યું હતું કે,તમામ વર્ચ્યુઅલ ડિજિટલ એસેટ્ અથવા ક્રિપ્ટો એસેટ્ પર 30 ટકા ટેક્સ લાગશે,અને તેના વેચાણ પર નફો થશે.આ સિવાય જ્યારે પણ ક્રિપ્ટો એસેટ વેચવામાં આવે છે, તો તેના વેચાણ પર 1% TDS કાપવામાં આવશે.આ TDS વર્ષના અંતે ક્રિપ્ટો ટેક્સ સાથે સેટ-ઓફ થઈ શકે છે.
એ જાણવું અગત્યનું છે કે,સરકારે પહેલેથી જ સ્પષ્ટ કરી દીધું છે કે, ક્રિપ્ટો ટેક્સ બિઝનેસ ખર્ચ સાથે સેટ-ઓફ કરી શકાતો નથી.તેનો TDS માત્ર અને માત્ર ક્રિપ્ટો ટેક્સ સાથે સેટ-ઓફ થઈ શકે છે.સરકારે વધુ એક વાતની સ્પષ્ટતા કરી છે કે,ટેક્સ અને ટીડીએસનો અર્થ એવો ન લેવો જોઈએ કે,ક્રિપ્ટોકરન્સીના વ્યવહારોને કાનૂની દરજ્જો મળી ગયો છે. 1 એપ્રિલથી જો તમે બિટકોઇન અથવા ઇથેરિયમ જેવી કોઈપણ ક્રિપ્ટોકરન્સીથી કમાણી કરો છો, તો તેના પર 30 ટકા ટેક્સ ચૂકવવો પડશે.તેનાથી વિપરીત, સ્ટોક ટ્રેડિંગ પર કરનો દર શૂન્યથી 15% રહેશે. શોર્ટ ટર્મ કેપિટલ ગેઈન ટેક્સ ચૂકવવામાં આવે ત્યારે 15% ટેક્સ લાગુ થશે.
એવું કહેવાય છે કે,ભારતમાં લગભગ 10 મિલિયન ક્રિપ્ટોકરન્સી વપરાશકર્તાઓ છે જેમણે 2021 માં લગભગ 100 અરબ ડોલરનો વેપાર કર્યો હતો.ભારતમાં ક્રિપ્ટો ટ્રેડિંગ આડેધડ ચાલી રહ્યું છે અને ટેક્સની જોગવાઈ શરૂ થયા બાદ તેમાં વધુ ઝડપ જોવા મળી રહી છે. લોકોને ખાતરી છે કે,સરકાર ક્રિપ્ટો પર કોઈ નિયંત્રણો લાદશે નહીં. જોકે, ક્રિપ્ટો ટ્રાન્ઝેક્શનમાં કરચોરીની ફરિયાદો છે, જેના પર CBDT અને EDએ મોટી કાર્યવાહી શરૂ કરી છે.
