ભારતીય ટીમ હાલમાં ઇંગ્લેન્ડના પ્રવાસે છે. જ્યાં તે ઇંગ્લેન્ડ સામે પાંચ મેચની ટેસ્ટ શ્રેણી રમી રહી છે. આ શ્રેણી પછી, ભારતીય ટીમ બાંગ્લાદેશ જવાની હતી. જ્યાં તેને ત્રણ ODI અને ત્રણ T20 મેચની શ્રેણી રમવાની હતી. પરંતુ હવે એવું લાગે છે કે ભારતીય ટીમ આ પ્રવાસ પર નહીં જાય. આ શ્રેણી 17 ઓગસ્ટથી શરૂ થવાની હતી. સુત્રોના જણાવ્યા અનુસાર, બાંગ્લાદેશમાં ઘરેલુ અશાંતિ વચ્ચે વધતી સુરક્ષા ચિંતાઓ શ્રેણી રદ કરવાનું મુખ્ય કારણ માનવામાં આવે છે. શેખ હસીના સરકારનું પતન અને અન્ય બાબતોએ આ ક્ષેત્રમાં સૌથી મોટા રાજદ્વારી સંઘર્ષોમાંથી એકને જન્મ આપ્યો છે. જેના કારણે પડોશી દેશો વચ્ચેના સંબંધો બગડ્યા છે.
અહેવાલ મુજબ, શ્રેણી મુલતવી રાખવા અંગે ભારતીય ક્રિકેટ કંટ્રોલ બોર્ડ અને બાંગ્લાદેશ ક્રિકેટ બોર્ડ તરફથી ટૂંક સમયમાં એક નિવેદન આવી શકે છે. બંને દેશો વચ્ચેની આ શ્રેણી રદ કરવાને બદલે, તેને વધુ મુલતવી રાખવા પર ભાર મૂકવામાં આવી શકે છે. આવી સ્થિતિમાં, બંને ટીમો વચ્ચે સફેદ બોલની શ્રેણી ક્યારે જોવા મળશે તે જોવું રસપ્રદ રહેશે.
ભારતીય અનુભવી ખેલાડીઓ રોહિત શર્મા અને વિરાટ કોહલીના ચાહકોને મોટો ઝટકો લાગ્યો છે. રોહિત અને કોહલી બંનેએ T20 અને ટેસ્ટ ક્રિકેટમાંથી નિવૃત્તિ લઈ લીધી છે. ત્યારબાદ તેઓ ફક્ત ODI ક્રિકેટ રમતા જોવા મળશે. તેમના ચાહકો આ શ્રેણીની આતુરતાથી રાહ જોઈ રહ્યા હતા. જો આ શ્રેણી બની હોત, તો ચાહકોએ ચેમ્પિયન્સ ટ્રોફી પછી પહેલીવાર બંને ખેલાડીઓને ભારતીય જર્સીમાં જોયા હોત. બંને છેલ્લે IPL દરમિયાન ક્રિકેટના મેદાન પર જોવા મળ્યા હતા. જ્યાં રોહિત મુંબઈ ઇન્ડિયન્સ તરફથી રમતા જોવા મળ્યો હતો. કોહલી રોયલ ચેલેન્જર્સ બેંગ્લોર તરફથી રમી રહ્યો હતો. કોહલીએ આ વર્ષે પહેલીવાર IPLનો ખિતાબ જીત્યો હતો.
