- મમતા બેનર્જી આજે ધરણા પર બેસશે
- કેન્દ્ર સરકાર સામે ધરણા પર બેસશે
- ટીએમસી સાંસદ પણ વિરોધ પ્રદર્શન કરશે
- 48 કલાક સુધી કરશે વિરોધ પ્રદર્શન
કોલકતા:પશ્ચિમ બંગાળના મુખ્યમંત્રી મમતા બેનર્જી આજે કેન્દ્ર સરકાર સામે ધરણા પર બેસશે. તૃણમૂલ કોંગ્રેસ (TMC)ના વડા મમતા બુધવારે બપોરથી 48 કલાક સુધી વિરોધ પ્રદર્શન કરશે.ટીએમસી સાંસદ પણ વિરોધ પ્રદર્શન કરશે.
સીએમ મમતાનો આરોપ છે કે કેન્દ્ર સરકાર બંગાળની યોજનાઓ માટે પૈસા નથી આપી રહી. 7,000 કરોડની બાકી રકમ કેન્દ્ર દ્વારા બંગાળને આપવામાં આવી નથી. તે જ સમયે, TMCના તમામ સાંસદો પણ ‘લોકશાહી, સંઘવાદ અને સંસદ બચાવો’ના મુદ્દે આજે સવારે 10 વાગ્યે સંસદભવનમાં આંબેડકરની પ્રતિમા સામે વિરોધ પ્રદર્શન કરશે.
આ પહેલા સીએમ મમતાએ કહ્યું હતું કે, આ વર્ષે પણ મનરેગા અને આવાસ યોજના માટે બજેટમાં એક પૈસો પણ આપવામાં આવ્યો નથી. તેના વિરોધમાં તે પોતે મુખ્યમંત્રી તરીકે 29 અને 30 માર્ચે દિલ્હીમાં આંબેડકરની પ્રતિમા સામે વિરોધ પ્રદર્શન કરશે. આ પછી, તે ફરીથી વધુ વ્યૂહરચના જાહેર કરશે.મમતા બેનર્જી આજે અને આવતીકાલે એમ બે દિવસ વિરોધ પ્રદર્શન કરશે. આ સાથે 30 માર્ચ એટલે કે આવતીકાલે રામનવમી પણ છે.
બંગાળ વિધાનસભામાં ભાજપના નેતા શુભેન્દુ અધિકારીએ મમતાના ધરણા પ્રદર્શનની જાહેરાતની ટીકા કરી છે. તેમણે કહ્યું, આ દિવસે રામ નવમી છે. સનાતન સંસ્કૃતિમાં માનનારા લોકો આ દિવસે ભગવાન રામની પૂજા કરશે. આ દિવસે રજા જાહેર કરવાને બદલે મમતા કેન્દ્ર સરકાર પર મનઘડત અને ખોટા આરોપો લગાવીને વિરોધ કરશે.
