કોલકાતા, 18 જુલાઈ 2026: પશ્ચિમ બંગાળના પશ્ચિમ બર્ધમાન જિલ્લામાં આવેલી એક સ્પોન્જ આયર્ન ફેક્ટરીની ભઠ્ઠીમાં શુક્રવારે મોડી રાત્રે ભયાનક વિસ્ફોટ થયો હતો. વિસ્ફોટ બાદ પ્લાન્ટમાં આગ લાગી હતી. આ ઘટનામાં ઓછામાં ઓછા પાંચ કામદારો ગંભીર રીતે ઘાયલ થયા હતા. આ વિસ્ફોટનો અવાજ લગભગ એક કિલોમીટરના અંતર સુધી સંભળાયો હતો.
પોલીસના જણાવ્યા અનુસાર, આ ઘટના જામુરિયા વિસ્તારમાં આવેલી એક સ્પોન્જ આયર્ન ફેક્ટરીમાં બની હતી. વિસ્ફોટ બાદ તરત જ ફેક્ટરીમાં આગ લાગી ગઈ હતી. માહિતી મળતાં જ પોલીસ અને ફાયર વિભાગની ટીમો ઘટનાસ્થળે પહોંચી હતી અને બચાવ કામગીરી શરૂ કરી હતી.
એક અધિકારીએ જણાવ્યું હતું કે અત્યાર સુધીમાં પાંચ કર્મચારીઓને બચાવી લેવામાં આવ્યા છે અને ગંભીર હાલતમાં વિવિધ હોસ્પિટલોમાં દાખલ કરવામાં આવ્યા છે. વિસ્ફોટ સમયે ભઠ્ઠીની નજીક અન્ય કેટલા લોકો હતા તે હજુ સ્પષ્ટ થયું નથી.
વધુ વાંચો: તમિલનાડુ: ચેન્નાઈથી મદુરાઈ જઈ રહેલી સ્લીપર કોચ બસમાં ભીષણ આગ લાગી
