આજકાલ ગુજરાતી ફિલ્મોએ સિનેમા ઘરોમાં પોતાનો હલ્લા બોલ કર્યો છે એક પછી એક સુપરહીટ ગુજરાતી ફિલ્મો આવી રહી છે પછી તે કોમેડી ફિલ્મ હોય, લવ સ્ટોરી હોય કે પછી સત્ય ધટના પર આધારિત હોય. એવી ઘણી બધી ફિલ્મો છે જે દર્શકોએ ખુબ જ વખાણી છે
નર્મદા નદી પર બનેલી ફિલ્મ રેવા પણ લોકોએ ખુબ વખાણી છે તો હવે મોરબીના મચ્છુ ડેમ પર બનેલી ફિલ્મ ‘મચ્છુ એક્ટ ઓફ ગોડ’નું ટીઝર રિલિઝ થયું છે. ફિલ્મનું ટિઝર જોતા જ ફિલ્મ જોવાની ઈચ્છા થઆ જાય તેવું આ ફિલ્મનું ટિઝર છે .આ ટિઝર જોતા સાથે જ 1979 મોરબીના મચ્છુ ડેમમાં જે ધટના બની હતી તે દ્રશ્યો તાજા થઈ જાય છે.
આ ફિલ્મનું ટિઝર ઈમ્પેક્ટ ફુલ જોવા મળ્યું છે. આ ડેમ જ્યારે તૂટે છે તે દ્રશ્યો દર્શકોને ચોક્કસ હચમચાવી મુકશે, મચ્છુ ડેમની જે દર્દનાક ધટના બની હતી તે ધટના આફિલ્મમાં આપણે જોઈ શકીશું. ડેમ તૂટ્યા બાદ જે ત્યાના લોકોની હાલત હતી તે દરેક દ્રશ્યોએ ફિલ્મમાં આબેહુબ પણે વણી લેવામાં આવી છે.આ ફિલ્મને 11 ભાષામાં રિલિઝ કરવાની વાત ફિલ્મના પ્રોડ્યુસર જતીન પટેલે જણાવી હતી .આ ફિલ્મ 2019ના વર્ષના અંતમાં રિલિઝ થાય તેવી શક્યતાઓ સેવાઈ રહી છે.
