ચોકલેટી બોય તરીકે જાણીતા અભિનેતા જુગલ હંસરાજનો આજે જન્મદિવસ – ક્યાં ગુમ છે ‘મોહબ્બતે’નો આ હીરો, જાણો
- અભિનેતા જુગલ હંસરાજનો જન્મદિવસ
- ચાઇલ્ડ આર્ટીસ્ટ તરીકે કર્યું છે કામ
- ફિલ્મ ‘મોહબ્બતે’થી થયા પ્રખ્યાત
મુંબઈ :બોલિવુડના એવા ઘણા સ્ટાર્સ છે જે કેટલીક ફિલ્મોમાં કામ કર્યા પછી સંપૂર્ણ રીતે ગુમનામ બની જાય છે.ત્યારે આજે એવા જ એક સ્ટારનો જન્મદિવસ છે. જેનું નામ છે જુગલ હંસરાજ. જુગલનો જન્મ 26 જુલાઈ 1972 માં મુંબઇમાં થયો હતો.
જુગલે ચાઇલ્ડ આર્ટીસ્ટ તરીકે માસુમ ફિલ્મથી પોતાના અભિનયની શરૂઆત કરી હતી. આ ફિલ્મ 1986 માં રિલીઝ થઈ હતી. આ ફિલ્મમાં નસીરુદ્દીન શાહ અને શબાના આઝમી મુખ્ય ભૂમિકામાં નજરે પડ્યા હતા. જુગલે ઘણી ફિલ્મોમાં બાળ કલાકારની ભૂમિકા ભજવી હતી. જુગલ આજે તેનો 49 મો જન્મદિવસ ઉજવી રહ્યા છે,તો ચાલો જાણીએ તેના વિશેની કેટલીક જાણી-અજાણી વાતો.
જુગલે પોતાની ફિલ્મ ‘આ ગલે લગ જા’ સાથે ફરી એકવાર બોલિવુડમાં લીડ રોલમાં એન્ટ્રી કરી હતી, આ ફિલ્મ 1994 માં રીલીઝ થઇ હતી.આ ફિલ્મમાં તેમની સાથે ઉર્મિલા માતોડકર નજરે પડી હતી. પરંતુ દરેક અભિનેતાના જીવનમાં એક એવી ફિલ્મ આવે છે જે તેમને કાયમ માટે અમર બનાવે છે.
જુગલના જીવનની તે ફિલ્મ જે વર્ષ 2000 માં રિલીઝ થયેલી ફિલ્મ ‘મોહબ્બતે’ રાતો-રાત તેને હીરો બનાવી દીધો. શાહરૂખ ખાન અને અમિતાભ બચ્ચનની આ ફિલ્મમાં તેમના કામને ખુબ જ પસંદ કરવામાં આવ્યું અને તેમને પણ પોતાની ઓળખ મળી.
એવું કહેવામાં આવે છે કે જુગલ હંસરાજ હાલમાં અમેરિકા છે. અભિનેતાએ તેની ગર્લ ફ્રેન્ડ જાસ્મિન સાથે 2014 માં લગ્ન કર્યા અને ત્યારબાદ તે તેની સાથે અમેરિકા શિફ્ટ થઈ ગયા છે.જેના કારણે તેના ચાહકો તેનું કોઈ અપડેટ મેળવી શકતા નથી. પરંતુ થોડા દિવસો પહેલા તેણે સોશિયલ મીડિયા પર પોતાની નવી તસવીર શેર કરી હતી. જેમાં તેમની ઓળખ કરવી મુશ્કેલ બની ગઈ છે.
