યુકેમાં બેલારુસ એમ્બેસી પર હુમલો,રાજદ્વારી ગંભીર રીતે ઘાયલ 

• યુકેમાં બેલારુસ એમ્બેસી પર હુમલો
• રાજદ્વારી ગંભીર રીતે ઘાયલ
• બ્રિટીશ ઉપરાજદૂતને બોલાવાયા

દિલ્હી:બેલારુસે કહ્યું હતું કે,બ્રિટનમાં તેના દૂતાવાસ પર હુમલો કરવામાં આવ્યો છે. આ હુમલામાં બેલારુસના રાજદ્વારી પણ ગંભીર રીતે ઘાયલ થયા હતા.તો, મિન્સ્કે બ્રિટિશ ચાર્જ ડી અફેર્સને બોલાવ્યા છે અને લંડનમાં હુમલા બાદ સંપૂર્ણ તપાસની માંગ કરી છે. બેલારુસે કહ્યું કે, લોકોના એક જૂથે દૂતાવાસની ઇમારતના આગળના ભાગને નુકસાન પહોંચાડ્યું. આ ઉપરાંત કેટલાક રાજદ્વારીઓ પર પણ હુમલો કરવામાં આવ્યો હતો.

બેલારુસિયન વિદેશ મંત્રાલયે તેની વેબસાઇટ પર એક નિવેદનમાં જણાવ્યું હતું કે, તેણે રવિવારે સાંજે લંડનમાં બનેલી ઘટનાનો વિરોધ કરવા માટે મિન્સ્કમાં બ્રિટિશ રાજદ્વારીને બોલાવ્યા હતા તેમજ દૂતાવાસ પર થયેલા હુમલાની તપાસની માંગણી કરી હતી.”પ્રથમ લોકોના એક જૂથે એમ્બેસી બિલ્ડિંગના આગળના ભાગને નુકસાન પહોંચાડ્યું અને પછી ઘટનાસ્થળે પહોંચેલા બેલારુસિયન રાજદ્વારીઓ પર હુમલો કર્યો,” સત્તાવાર નિવેદનમાં જણાવાયું છે.રાજદ્વારીઓમાંથી એકને ગંભીર ઈજાઓ થઈ છે અને તેને તાત્કાલિક તબીબી સારવારની જરૂર છે. આ હુમલામાં તેના નાક અને દાંતમાં ઈજા પહોંચી છે.

મીડિયા રિપોર્ટ્સમાં કહેવામાં આવ્યું છે કે,હુમલાના સ્થળેથી ભાગી જવાનો પ્રયાસ કરી રહેલા કેટલાક હુમલાખોરોની મેટ્રોપોલિટન પોલીસે અટકાયત કરી હતી. શંકાસ્પદ હુમલાખોરો યુકેમાં બેલારુસિયન ઇમિગ્રન્ટ જૂથનો ભાગ હોવાનું કહેવાય છે. બેલારુસનું નેતૃત્વ રાષ્ટ્રપતિ એલેક્ઝાંડર લુકાશેન્કો કરી રહ્યા છે. તેમને યુરોપનો છેલ્લો સરમુખત્યાર કહેવામાં આવે છે. તાજેતરના સમયમાં, યુરોપમાં તેમની સરકારના કારણે સ્થળાંતર કટોકટી ઊભી થઈ છે.