દિલ્હીમાં આગામી સપ્તાહે વરસાદની સંભાવના,જાણો શું રહેશે યુપી,બિહાર,હિમાચલમાં હવામાનની પેટર્ન

• રાજધાનીમાં વરસાદની સંભાવના
• 22 અને 23 ફેબ્રુઆરીએ પડી શકે છે વરસાદ
• હવામાન વિભાગે કરી આગાહી

દિલ્હી:ઉત્તર ભારતના મોટાભાગના રાજ્યોમાં તાપ પડવા લાગ્યો છે અને તેની સાથે જ ઠંડીનો અંત આવી રહ્યો છે.તો, રાજ્યોનું લઘુત્તમ તાપમાન પણ સતત વધી રહ્યું છે.દિલ્હી NCRમાં સતત સૂર્યપ્રકાશને કારણે ઠંડીથી ઘણી રાહત મળી છે.જો કે સવાર અને રાત્રિ દરમિયાન આછું ધુમ્મસ હજુ પણ જોવા મળી રહ્યું છે.હવામાન વિભાગ અનુસાર, રવિવારે રાજધાનીમાં હળવો પવન ફૂંકાશે. જેના કારણે હવામાનમાં હળવી ઠંડીનો અહેસાસ થઈ શકે છે.

સોમવારે રાજધાનીમાં હવામાન એકદમ સામાન્ય રહેવાની આગાહી છે.IMD અનુસાર, આગામી સપ્તાહે 22 ફેબ્રુઆરીએ વેસ્ટર્ન ડિસ્ટર્બન્સ ફરી એકવાર સક્રિય થઈ રહ્યું છે.આ કારણે 22 અને 23 ફેબ્રુઆરીએ દિલ્હી અને આસપાસના કેટલાક વિસ્તારોમાં વરસાદ પડી શકે છે.

બીજી તરફ ઉત્તર પ્રદેશમાં છેલ્લા કેટલાક દિવસોથી તડકાને કારણે હવામાન સ્વચ્છ છે. હવામાન વિભાગની આગાહી મુજબ આ વખતે રાજ્યમાં ટૂંક સમયમાં ગરમી આવવાની છે.તો,વિભાગે માર્ચ મહિનામાં હોળીની આસપાસ ભારે વરસાદની આગાહી કરી છે.

બિહારમાં પણ વરસાદની સંભાવના

બિહારના મોટાભાગના જિલ્લાઓમાં વાદળછાયું વાતાવરણ રહેશે. IMD અનુસાર,પટના સહિત ઘણા શહેરોનું મહત્તમ તાપમાન 26 ડિગ્રી અને લઘુત્તમ તાપમાન 13 ડિગ્રી રહેવાની ધારણા છે.20 ફેબ્રુઆરીએ ઘણા ભાગોમાં વરસાદની સંભાવના છે.હવામાન વિભાગના જણાવ્યા અનુસાર રાજ્યમાં હળવોથી મધ્યમ વરસાદ પડશે.આ પછી આકાશ સ્વચ્છ રહેવાની શક્યતા છે.

હિમાચલમાં હિમવર્ષા

હિમાચલ પ્રદેશમાં 21 ફેબ્રુઆરીએ હવામાન સ્વચ્છ રહેશે.જો કે, હવામાન વિભાગના જણાવ્યા અનુસાર, 22 અને 23 ફેબ્રુઆરીએ રાજ્યના ઘણા વિસ્તારોમાં હિમવર્ષા અને વરસાદની સંભાવના છે.બે દિવસ સુધી વરસાદની સંભાવનાને જોતા મધ્ય પહાડી જિલ્લાઓમાં યલો એલર્ટ જારી કરવામાં આવ્યું છે.