રણબીર કપૂર અને શ્રદ્ધા કપૂરની આગામી ફિલ્મનું ટીઝર થયું રિલીઝ,અટપટું ટાઈટલ આવ્યું સામે
મુંબઈ:રણબીર કપૂર અને શ્રદ્ધા કપૂર આ દિવસોમાં તેમની આગામી ફિલ્મને લઈને ખૂબ જ ચર્ચામાં છે. લાંબી રાહ જોયા બાદ આજે અભિનેતા રણબીર કપૂર અને શ્રદ્ધા કપૂરની આગામી ફિલ્મનું શીર્ષક જાહેર કરવામાં આવ્યું છે.મંગળવારે, ફિલ્મ નિર્માતાઓએ ફિલ્મના નામનું પોસ્ટર શેર કર્યું, જેમાં શોર્ટકટ (TJMM) દેખાઈ રહ્યો હતો અને લોકોને નામનું અનુમાન કરવા કહ્યું.પોસ્ટર જોઈને લોકોમાં ઉત્તેજના વધી ગઈ હતી.તે જ સમયે, 24 કલાક પછી, ફિલ્મ નિર્દેશક લવ રંજને ફિલ્મનું અજીબ ટાઇટલ જણાવ્યું છે.
અભિનેત્રી શ્રદ્ધા કપૂરે થોડા સમય પહેલા જ સોશિયલ મીડિયા હેન્ડલ પર ફિલ્મના ટાઈટલનો એક વીડિયો શેર કર્યો છે અને થોડા સમય પહેલા ફિલ્મના ડિરેક્ટર લવ રંજને પણ ફિલ્મના ટાઈટલનો વીડિયો સોશિયલ મીડિયા હેન્ડલ પર શેર કર્યો, જેમાં શ્રદ્ધા અને રણબીર સાથે જોવા મળે છે.આ વીડિયોમાં બંનેની ક્યૂટ કેમેસ્ટ્રી ચાહકોને ખૂબ જ પસંદ આવી રહી છે.આ સાથે જ શ્રદ્ધા કપૂરે જણાવ્યું કે ફિલ્મનું નામ ‘તુ જૂઠી મેં મક્કાર’ છે.
રણબીર કપૂર અને શ્રદ્ધા કપૂર તેમની આગામી ફિલ્મ ‘તુ જૂઠી મેં મક્કાર’ વર્ષ 2023માં રિલીઝ થશે.વર્ક ફ્રન્ટની વાત કરીએ તો રણબીર કપૂર આગામી ફિલ્મ ‘એનિમલ’માં જોવા મળશે અને બીજી તરફ અભિનેત્રી શ્રદ્ધા કપૂર ટૂંક સમયમાં રૂખસાના કૌસરની બાયોપિકમાં જોવા મળશે. હાલમાં જ શ્રદ્ધા વરુણ ધવનની ફિલ્મ ‘ભેડિયા’માં પણ આઈટમ નંબર કરતી જોવા મળી હતી. નિર્માતાઓએ ફિલ્મના શીર્ષક સાથે ટીઝર રિલીઝ કર્યું છે.રણબીર કપૂર અને શ્રદ્ધા કપૂરની ફિલ્મના ટાઇટલની જાહેરાતની સાથે જ ‘તુ જૂઠી મેં મક્કાર’ની રિલીઝ ડેટ પણ જાહેર કરવામાં આવી છે.લવ રંજન દ્વારા દિગ્દર્શિત આ ફિલ્મ આવતા વર્ષે હોળી પર 8 માર્ચે રિલીઝ થશે.
