- દિલ્હીમાં વીજળીના દરમાં વધારો
- PPAC દ્વારા ઈલેક્ટ્રિસિટી ડ્યૂટી વધારાઈ
- લોકો આ વધારાથી ચોંકી ઉઠયા
દિલ્હી : રાજધાની દિલ્હીમાં વીજળીના દરમાં વધારો કરવામાં આવ્યો છે. દિલ્હીમાં PPAC (પાવર પરચેઝ એગ્રીમેન્ટ કોસ્ટ) દ્વારા ઈલેક્ટ્રિસિટી ડ્યૂટી વધારવામાં આવી છે. દક્ષિણ દિલ્હી, પશ્ચિમ દિલ્હી, દિલ્હીના ટ્રાન્સ-યમુના વિસ્તાર, જૂની દિલ્હી અને નવી દિલ્હીમાં રહેતા લોકો આ વધારાથી ચોંકી ગયા છે. BSES વિસ્તારોમાં વીજળીનો વપરાશ લગભગ 10% મોંઘો થશે. એટલું જ નહીં, NDMC (નવી દિલ્હી વિસ્તાર)માં રહેતા લોકોને પણ તેની અસર થશે.
વાસ્તવમાં, દિલ્હી ઇલેક્ટ્રિસિટી રેગ્યુલેટરી કમિશન (DERC) એ પાવર ડિસ્કોમ, BYPL (BSES યમુના) અને BRPL (BSES રાજધાની)ની અરજીઓ સ્વીકારી લીધી છે. ડીઇઆરસીએ 22 જૂનના આદેશમાં આ કંપનીઓની પાવર ખરીદીની ઊંચી કિંમતના આધારે ટેરિફ વધારવાની માગણી સ્વીકારી હતી.
આગામી 9 મહિના માટે, (જુલાઈ 2023 થી માર્ચ 2024) BYPL ગ્રાહકોએ 9.42% વધારાનો ટેરિફ ચૂકવવો પડશે જ્યારે BRPL ગ્રાહકોએ 6.39% વધારાનો ટેરિફ ચૂકવવો પડશે. જ્યારે NDMC વિસ્તારમાં રહેતા લોકોએ તે જ સમયગાળા માટે 2% વધારાનો ટેરિફ ચૂકવવો પડશે.
આ ચાર્જિસ આ પ્રદેશો માટે પહેલેથી જ લાગુ PPAC (પાવર પરચેઝ એગ્રીમેન્ટ કોસ્ટ) ઉપરાંત હશે જે NDMC માટે 28%, BRPL માટે 20.69% અને BYPL માટે 22.18% છે. જે વિસ્તારોમાં TPDDL (ટાટા પાવર દિલ્હી ડિસ્ટ્રિબ્યુશન લિમિટેડ અગાઉ NDPL) વીજળી પૂરી પાડે છે ત્યાં રહેતા ગ્રાહકોને રાહત થશે, તેમના માટે કોઈ વધારો કરવામાં આવશે નહીં. જેમાં ઉત્તર અને ઉત્તર પશ્ચિમ દિલ્હીના વિસ્તારોનો સમાવેશ થાય છે.
