અક્ષય કુમારે તેની ફિલ્મ Mission Raniganj નું મોશન પોસ્ટર શેર કર્યું,આ દિવસે ટ્રેલર થશે રિલીઝ
મુંબઈ: અક્ષય કુમાર આ દિવસોમાં તેની આગામી ફિલ્મ ‘મિશન રાનીગંજ’ને લઈને ચર્ચામાં છે. આ ફિલ્મમાં અક્ષય કુમારની સાથે પરિણીતી ચોપરા પણ લીડ રોલમાં છે. પરિણીતી ચોપરા તેના લગ્નના ફંક્શનમાં વ્યસ્ત છે. બોલિવૂડના ખિલાડી કુમાર એટલે કે અક્ષય કુમારે પોતાના ઈન્સ્ટાગ્રામ એકાઉન્ટ પર ફિલ્મ ‘મિશન રાનીગંજ’નું મોશન પોસ્ટર શેર કર્યું છે.આ મોશન પોસ્ટરમાં તમને અક્ષય કુમાર અને પરિણીતી ચોપરા સ્ટારર ‘મિશન રાણીગંજ’ની પુરુષ સ્ટાર કાસ્ટની ઝલક જોવા મળશે. મોશન પોસ્ટર રિલીઝ થતાની સાથે જ ચાહકોમાં ચર્ચાનો વિષય બની ગયો હતો.
અક્ષય કુમારે શનિવારે તેના સોશિયલ મીડિયા એકાઉન્ટ પર ‘મિશન રાનીગંજ’નું મોશન પોસ્ટર શેર કર્યું હતું. અક્ષય કુમારની આ ફિલ્મ સ્વર્ગસ્થ જસવંત સિંહ ગિલના જીવન પર બની રહી છે. અક્ષય કુમારની આગામી ફિલ્મ ‘મિશન રાનીગંજ’ 6 ઓક્ટોબર, 2023ના રોજ સિનેમાઘરોમાં રિલીઝ થવા જઈ રહી છે. મોશન પોસ્ટરમાં તમે અક્ષય કુમારને જસવત સિંહ ગિલના પાત્રમાં જોઈ શકો છો અને સ્ટાર કાસ્ટ પણ તેમના મજબૂત લુકમાં જોઈ શકાય છે.
અક્ષય કુમારની ફિલ્મ ‘મિશન રાનીગંજ’નું ટીઝર 7 સપ્ટેમ્બરે રિલીઝ કરવામાં આવ્યું છે. ફિલ્મનું પહેલું નામ ‘કેપ્સુલ ગિલ’ હતું. આ પછી ફિલ્મનું નામ ‘ધ ગ્રેટ ઈન્ડિયન રેસ્ક્યુ’ રાખવામાં આવ્યું. હવે આખરે ફિલ્મનું નામ ‘મિશન રાનીગંજ’ રાખવામાં આવ્યું છે. ફિલ્મના મોશન પોસ્ટરને લોકો ખૂબ પસંદ કરી રહ્યા છે.આ મોશન પોસ્ટર શેર કરતી વખતે અક્ષય કુમારે વાશુ ભગનાની, પરિણીતી ચોપરા, ટીનુ દેસાઈ, જેકી ભગનાની, દીપશિખા દેશમુખ અને અજય કપૂરનો ઉલ્લેખ કર્યો છે. કેપ્શનમાં લખ્યું હતું, ‘1989માં એક વ્યક્તિએ અનેક સંજોગોને પડકાર્યા! #MissionRaniganj નું ટ્રેલર સોમવાર, 25 સપ્ટેમ્બરે રિલીઝ થશે. ભારતના સાચા હીરોની વાર્તા 6ઠ્ઠી ઓક્ટોબરે #MissionRaniganj સાથે સિનેમાઘરોમાં જોવા મળશે!
પરિણીતી ચોપરા ‘મિશન રાનીગંજ’માં અક્ષય કુમારની પત્નીની ભૂમિકા ભજવશે. આ ફિલ્મનું નિર્દેશન ટીનુ સુરેશ દેસાઈ કરી રહ્યા છે. ફિલ્મ ‘મિશન રાનીગંજ’ સિવાય અક્ષય કુમાર ‘બડે મિયાં છોટે મિયાં’, ‘વેલકમ 3’, ‘હેરા ફેરી 3’, ‘સ્કાય ફોર્સ’, ‘હાઉસફુલ 5’, ‘સોરારઈ પોટરૂ ‘ જેવી ફિલ્મોમાં જોવા મળશે.
