ઈમ્ફાલ, 18 ઓક્ટોબર 2026: મણિપુરના કામજોંગ જિલ્લાના એક ગામમાં શનિવારે શંકાસ્પદ ઉગ્રવાદીઓએ ગોળીબાર કર્યો હતો, જેમાં 36 વર્ષીય એક વ્યક્તિનું મૃત્યુ થયું હતું અને અન્ય ચાર લોકો ઘાયલ થયા હતા.
એક વરિષ્ઠ પોલીસ અધિકારીના જણાવ્યા અનુસાર, બપોરે અઢી વાગ્યાની આસપાસ ચસાદ ગામમાં ગોળીબારની અનેક રાઉન્ડ ફાયરિંગ કરવામાં આવી હતી. ત્યારબાદ સ્થાનિક સશસ્ત્ર જૂથ અને શંકાસ્પદ ઉગ્રવાદીઓ વચ્ચે સશસ્ત્ર અથડામણ થઈ હતી. આ ગોળીબાર સાંજ સુધી ચાલુ રહ્યો હતો.
અધિકારીએ જણાવ્યું કે ગામના મુખિયા થાંગજાહૌ હાઓકિપ, તેમજ ખૈલુન હાઓકિપ, સેઇખોહૌ, હેગિન હાઓકિપ અને સેઇપાઓ હાઓકિપને ઈજાઓ પહોંચી છે.
દરેકને હોસ્પિટલમાં લઈ જવામાં આવ્યા, જ્યાં સેઈખોહોઉનું અવસાન થયું. ‘કમિટી ઓન ટ્રાઈબલ યુનિટી’એ આ હુમલાની નિંદા કરી છે અને રાજ્ય સરકાર પાસે ગામમાં કેન્દ્રીય સુરક્ષા દળો તૈનાત કરવાની માંગ કરી છે.
વધુ વાંચો: મધ્ય પ્રદેશના ગ્વાલિયરમાં ભયાનક અકસ્માત, ટ્રકની અડફેટે 18 શ્રદ્ધાળુઓનાં મોત
