અભિનેતા સમીર સોનીનો આજે જન્મદિવસ,એક્ટિંગમાં જ નહીં ડાયરેકશનમાં પણ અજમાવ્યો છે હાથ
- અભિનેતા સમીર સોનીનો આજે જન્મદિવસ
- સિરિયલ ઉપરાંત ફિલ્મમાં પણ કરી ચુક્યા છે કામ
- ડાયરેકશનમાં પણ અજમાવ્યો છે હાથ
મુંબઈ:નાના પડદાથી મોટા પડદા સુધી અભિનેતા સમીર સોનીએ પોતાનો જાદુ ચલાવ્યો છે.આજે સમીરનો જન્મદિવસ છે. સમીરે ચાઇના ગેટ, લજ્જા, કભી તુમ કભી હમ દિલ ક્યા ચાહતા હૈ, કુમકુમ, વિવાહ, ફેશન બસ્તી, આઇ હેટ લવ સ્ટોરી અને ચોક એન ડસ્ટર જેવી ફિલ્મોમાં શાનદાર અભિનય કર્યો છે.
સમીરે પોતાની કારકિર્દીની શરૂઆત સમંદર શોથી કરી હતી. આ શોમાં તે નેવી ઓફિસરની ભૂમિકામાં જોવા મળ્યો હતો. આ પછી, તેણે 1998 માં ફિલ્મ ચાઇના ગેટથી બોલિવૂડમાં પ્રવેશ કર્યો.
અભિનેતા સમીર સોનીએ નિર્દેશક તરીકે પણ કામ કર્યું છે. તેમની પ્રથમ ફિલ્મ ‘માય બર્થડે સોંગ’ હતી. અભિનેતા સંજય સૂરી આ ફિલ્મમાં દેખાયા હતા.
સમીર સોનીને કલર્સના પ્રખ્યાત શો પહચાનથી વિશેષ ઓળખ મળી.જેમાં તે વકીલની ભૂમિકામાં જોવા મળ્યો હતો. આ સિવાય હવે તે વેબસીરીઝમાં પણ દેખાઈ રહ્યો છે.
સમીર સોની સોશિયલ મીડિયા પર પણ ખૂબ એક્ટિવ છે અને આજકાલ તે કોઈને કોઈ મુદ્દે પોતાનો અભિપ્રાય વ્યક્ત કરે છે.
સમીરે 24 જાન્યુઆરી 2011 ના રોજ પ્રખ્યાત અભિનેત્રી નીલમ સાથે લગ્ન કર્યા હતા. લગ્ન બાદ બંનેએ એક પુત્રી આહાનાને દત્તક લીધી હતી.
