બોલિવૂડ બાદ હવે સાઉથ ઈન્ડસ્ટ્રીમાં ડેબ્યુ કરવા તૈયાર છે જાહ્નવી કપૂર, આ સ્ટાર સાથે કરશે સ્ક્રીન શેર

• જાહ્નવી કપૂર સાઉથ ઈન્ડસ્ટ્રીમાં ડેબ્યુ કરવા તૈયાર
• જુનિયર એનટીઆર સાથે કરશે સ્ક્રીન શેર
• ફિલ્મનું શૂટિંગ ટૂંક સમયમાં થશે શરૂ

મુંબઈ: બોલિવૂડ એક્ટ્રેસ જાહ્નવી કપૂરના ફેન્સ માટે એક મોટા સારા સમાચાર સામે આવી રહ્યા છે.બહુ ઓછા સમયમાં બોલિવૂડમાં પોતાનું ખાસ સ્થાન બનાવનારી જાહ્નવી હવે સાઉથ ઈન્ડસ્ટ્રીમાં ડેબ્યૂ કરવા માટે તૈયાર છે અને આ અભિનેત્રીને જે એક્ટ્રેસ સાથે સ્ક્રીન પર રોમાન્સ કરવાની તક મળી રહી છે તે ચોક્કસપણે જાહ્નવીના ફેન્સને વધુ ઉત્સાહિત કરશે.

રિપોર્ટ મુજબ, જાહ્નવી કપૂરને દક્ષિણના સુપરસ્ટાર જુનિયર એનટીઆર સાથે પાન ઈન્ડિયાના મોટા પ્રોજેક્ટમાં કાસ્ટ કરવાની ચર્ચા જોરશોરથી ચાલી રહી છે. સાઉથ ઈન્ડસ્ટ્રીનું મોટું નામ એવા ડાયરેક્ટર બુચી બાબુ પોતાની આગામી ફિલ્મમાં જુનિયર એનટીઆરની સામે બોલિવૂડ એક્ટ્રેસની શોધમાં હતા અને રિપોર્ટ્સ અનુસાર આ શોધ જાહ્નવી કપૂર સાથે પૂરી થઈ ગઈ છે.

આ ફિલ્મ એક સ્પોર્ટ્સ ડ્રામા હોવાનું કહેવામાં આવી રહ્યું છે અને કહેવામાં આવી રહ્યું છે કે,આ ફિલ્મનું શૂટિંગ ટૂંક સમયમાં શરૂ થશે..જોકે, જુનિયર એનટીઆરની સાઉથ ઈન્ડસ્ટ્રીમાં જાહ્નવી કપૂરનું ડેબ્યૂ ખૂબ જ રસપ્રદ બનવા જઈ રહ્યું છે. બસ તેના દ્વારા આ મોટી જાહેરાત થવાની રાહ જોવાઈ રહી છે.

વાત કરીએ જુનિયર NTR ની તો, અભિનેતા આ દિવસોમાં તેની આગામી ફિલ્મ RRR માટે હેડલાઇન્સમાં છે.આ ફિલ્મ કોવિડના કારણે હજી રિલીઝ થઇ નથી,પરંતુ મેકર્સ જલ્દી જ આ ફિલ્મને મોટા પડદા પર લાવવાની તૈયારીમાં છે.

જાહ્નવી કપૂરની કારકિર્દી વિશે વાત કરીએ તો, તેની બકેટ લિસ્ટમાં દોસ્તાના 2, ગુડ લક જેરી અને મિસ્ટર એન્ડ મિસિસ માહી જેવી ફિલ્મો છે.એવી પણ ચર્ચા છે કે,તે તેના પિતા બોની કપૂરના પ્રોડક્શન હેઠળ બની રહેલી ફિલ્મ વલિમૈમાં પણ જોવા મળશે. જાહ્નવી સોશિયલ મીડિયા પર ખૂબ જ એક્ટિવ રહે છે અને તેના ફેન્સ માટે દરરોજ કોઈને કોઈ તસવીરો શેર કરતી રહે છે.