કાર્તિક આર્યન બાદ હવે આદિત્ય રોય કપૂર પણ છે કોરોના પોઝિટિવ,થોડા દિવસોમાં રિલીઝ થવાનું હતું ‘ઓમ’નું ટ્રેલર
- ‘ભૂલ ભુલૈયા 2’ સ્ટાર કાર્તિક આર્યન કોરોના સંક્રમિત
- કાર્તિક આર્યન બાદ હવે આદિત્ય રોય કપૂર પણ કોરોના પોઝિટિવ
- થોડા દિવસોમાં રિલીઝ થવાનું હતું ‘ઓમ’નું ટ્રેલર
મુંબઈ:કોરોના કાળ અને લોકડાઉન પછી ભલે પહેલાની જેમ બધું સામાન્ય થઈ ગયું હોય, પરંતુ હજુ પણ કોવિડ 19ની અસર સમાપ્ત થઈ નથી. ક્યાંક ને ક્યાંક હજુ પણ કોરોનાના કેસો સામે આવી રહ્યા છે. હાલમાં જ બોલિવૂડમાંથી એક નવો કિસ્સો સામે આવ્યો છે. ફેમસ એક્ટર કાર્તિક આર્યન ફરી એકવાર કોરોનાનો શિકાર બન્યો છે.અભિનેતાએ સોશિયલ મીડિયા દ્વારા ચાહકોને આ માહિતી આપી છે.
ઈન્સ્ટાગ્રામ પર હાથ જોડીને પોતાની એક તસવીર શેર કરતા કાર્તિક આર્યનએ કેપ્શનમાં લખ્યું – ‘બધું ખૂબ જ સકારાત્મક ચાલી રહ્યું હતું.કોવિડ થી રહેવાનું નહીં.’ કાર્તિકની આ પોસ્ટ પર ચાહકો ઘણી કોમેન્ટ કરી રહ્યા છે અને તેને પોતાનું ધ્યાન રાખવાની સલાહ પણ આપી રહ્યા છે.
આ બીજી વખત છે જ્યારે કાર્તિક આર્યન કોરોનાની ઝપેટમાં આવ્યો છે. અગાઉ, 22 માર્ચ 2021 ના રોજ તે કોરોના વાયરસથી સંક્રમિત થયો હતો. બોલિવૂડ એક્ટર કાર્તિક આર્યન વિશે સમાચાર આવ્યા કે તે બીજી વખત કોરોના પોઝિટિવ આવ્યો છે. તેણે પોતે જ પોતાના ઈન્સ્ટાગ્રામ એકાઉન્ટ પર ફિલ્મ ‘ભૂલ ભુલૈયા 2’ની એક તસવીર શેર કરીને આ માહિતી આપી હતી. પરંતુ હવે અન્ય એક અભિનેતાના કોરોના પોઝિટિવ હોવાના સમાચાર સામે આવી રહ્યા છે. ખરેખર, કાર્તિક બાદ હવે આદિત્ય રોય કપૂર પણ કોરોનાની ઝપેટમાં આવી ગયો છે. એવું કહેવામાં આવી રહ્યું છે કે તેની આગામી ફિલ્મના પ્રમોશન દરમિયાન તેને કોરોનાનો ચેપ લાગ્યો હતો.
સૂત્રો દ્વારા કહેવામાં આવ્યું છે કે,આદિત્ય રોય કપૂરમાં કોરોનાના હળવા લક્ષણો છે. જો કે, તે કોરોના પોઝિટિવ થયા પછી, હવે તેની આગામી ફિલ્મ ઓમ નું ટ્રેલર રી- શેડ્યૂલ કરવામાં આવશે. ટ્રેલર લોન્ચ થોડા દિવસોમાં થવાનું હતું.એવું કહેવામાં આવી રહ્યું છે કે તે પોતાની ફિલ્મના પ્રમોશન દરમિયાન જ કોરોના પોઝિટિવ આવ્યો છે.
