દિલ્હી: શનિવારે હમાસે ઈઝરાયેલ પર જોરદાર હુમલો કર્યો હતો. આ ઘાતક હુમલામાં અત્યાર સુધીમાં 700થી વધુ ઈઝરાયેલના નાગરિકો માર્યા ગયા છે. ઈઝરાયેલે પણ આ હુમલાનો જડબાતોડ જવાબ આપ્યો હતો. જેમાં બીજી બાજુથી 300થી વધુ લોકો માર્યા ગયા છે. આ સિવાય હજારો લોકો ઘાયલ પણ થયા છે. સાથે જ હમાસે 100થી વધુ લોકોને બંધક બનાવ્યાનો પણ દાવો કર્યો છે. હમાસના આ હુમલા બાદ ઘણા દેશોએ ઈઝરાયેલ તરફ મદદનો હાથ લંબાવ્યો છે.
હમાસના આ હુમલા બાદ અમેરિકાએ ઈઝરાયેલને મદદ કરવાની જાહેરાત કરી છે. મળતી માહિતી મુજબ અમેરિકી રાષ્ટ્રપતિ જો બાઈડેને ઈઝરાયેલના પીએમ બેન્જામિન નેતન્યાહુ સાથે ફોન પર વાત કરી છે. આ પછી તેણે યુદ્ધ જહાજોનો કાફલો ભૂમધ્ય સમુદ્રમાં મોકલ્યો. આ સાથે અમેરિકાએ ફાઈટર પ્લેન F-35, F-15 અને F-16ને પણ એલર્ટ પર રાખ્યા છે. અમેરિકાની આ મદદ બાદ માનવામાં આવી રહ્યું છે કે હવે હમાસનું કામ પૂર્ણ થવાનું નિશ્ચિત છે. આ સાથે એક અમેરિકન અધિકારીએ કહ્યું છે કે હમાસના આ હુમલામાં ચાર અમેરિકન નાગરિકોના પણ મોત થયા છે.
This morning, I spoke with @IsraeliPM to express my full support for the people of Israel in the face of an unprecedented and appalling assault by Hamas terrorists.
We will remain in close contact over the coming days.
The U.S. will continue to stand with the people of Israel.
— President Biden (@POTUS) October 8, 2023
આ પહેલા ભારતના વડાપ્રધાન નરેન્દ્ર મોદીએ પણ હમાસના હુમલા બાદ ઈઝરાયેલના સમર્થનમાં નિવેદન આપ્યું હતું. વડા પ્રધાન નરેન્દ્ર મોદીએ સોશિયલ મીડિયા પ્લેટફોર્મ પર જણાવ્યું હતું. અમે આ મુશ્કેલ સમયમાં ઇઝરાયેલ સાથે એકતામાં ઉભા છીએ.” વડાપ્રધાન નરેન્દ્ર મોદી અને બેન્જામિન નેતન્યાહુ વચ્ચે ખૂબ જ સૌહાર્દપૂર્ણ સંબંધો છે અને બંનેએ ઘણી વખત એકબીજાને પોતાના સાચા મિત્ર ગણાવ્યા છે.
