દિલ્હીઃ ભારતીય હિન્દુ સંસ્કૃતિએ દુનિયાના વિવિધ દેશોને પોતાની તરફ આકર્ષિત કર્યાં છે. દરમિયાન હિન્દુ પંચાગ અનુસાર ચૈત્ર માસના શુકલ પક્ષના પ્રતિપદાએ નવસંવત્સર એટલે કે નવા વર્ષની ઉજવણી કરવામાં આવે છે. આજથી હિન્દુઓના નવા વર્ષનો પ્રારંભ થયો છે. દરમિયાન અમેરિકન સુપ્રસિદ્ધ ગાયિકા મેરી મિલબેનએ ભારતીય નવા વર્ષ નિમિત્તે સંસ્કૃતમાં શ્લોકનું પઠન કરીને નવા વર્ષની શુભકામનાઓ પાઠવી હતી.
Happy New Year to my beloved #India, the Indian-American community, and Indian communities across the world. Today, I hope you are blessed with the new spirit of the new year. May this new year bring much joy and happiness. My greeting: https://t.co/lSQjSYw7re.#HinduNewYear 🇺🇸🇮🇳
— Mary Millben (@MaryMillben) April 13, 2021
હિન્દુ કેલેન્ડર મુજબ નવા વર્ષની શરૂઆત મંગળવારે ઉગાદી, ગુડી પડવો અને વૈશાખીથી થઈ છે. એક વીડિયોમાં મિલબેનને સંસ્કૃતના શ્લોકોનું પઠન કરીને ભારત અને ભારતીય સમુદાયને અભિનંદન પાઠવ્યાં હતા. તેમણે જણાવ્યું હતું કે, 2020 માં દિવાળીના કાર્યક્રમ પછી, તે ભારતના પરંપરાગત તહેવારો અને ધાર્મિક કાર્યક્રમો વિશે જાણવા માંગતી હતી. હિન્દી વાંચવા અને લખવાના શોખથી તેની ભારતીય સંસ્કૃતિમાં રૂચિ વધી છે.
#FlashbackFriday! Going back to a recent moment.#Diwali2020 has passed, but the spirit of #Diwali 🪔 lives on. The celebration of #light over darkness and new beginnings is daily for me.
Experience and share again. Thanks for all the ❤️! Love you, 🇮🇳. https://t.co/dUTh0Y2EEC pic.twitter.com/Osa8n7HXqi
— Mary Millben (@MaryMillben) December 11, 2020
અત્રે ઉલ્લેખનીય છે કે, અગાઉ અમેરિકન સિંગર મેરી મિલબેનએ હિન્દુ સ્તૃતિ “ઓમ જય જગદીશ હરે….”નું પઠન કરતો વીડિયો રિલીઝ કર્યો હતો. અમેરિકન સિંગરના કંઠે ગવાયેલી આ સ્તૃતિને સાંભળીને દુનિયાના વિવિધ દેશોમાં વસતા હિન્દુઓ આશ્ચર્ય ચકિત થઈ ગયા હતા. તેમજ સોશિયલ મીડિયામાં વાયરલ થતા મેરી મિલબેન હિન્દુ સમાજમાં જાણીતા બન્યાં હતા.
