વિરેન્દ્ર સેહવાગ ઉપરાંત ICCએ આ ભૂતપૂર્વ ભારતીય મહિલા ખેલાડીને હોલ ઓફ ફેમમાં સામેલ કરી
દિલ્હી: ઇન્ટરનેશનલ ક્રિકેટ કાઉન્સિલ (ICC) એ 13 નવેમ્બરના રોજ ભારતીય ટીમના ભૂતપૂર્વ ખેલાડી વીરેન્દ્ર સેહવાહ સહિત ત્રણ ખેલાડીઓને તેના હોલ ઓફ ફેમમાં સામેલ કર્યા હતા. સેહવાગ સિવાય આ હોલ ઓફ ફેમમાં સામેલ અન્ય ખેલાડી શ્રીલંકાના ભૂતપૂર્વ દિગ્ગજ અરવિંદ ડી સિલ્વા છે. ભૂતપૂર્વ ભારતીય મહિલા ખેલાડી ડાયન દુદુલજીનો પણ હોલ ઓફ ફેમમાં સમાવેશ કરવામાં આવ્યો છે. અગાઉ ICCએ તેના હોલ ઓફ ફેમમાં ભારતના સાત ખેલાડીઓનો સમાવેશ કર્યો હતો, જેમાં સચિન તેંડુલકર અને રાહુલ દ્રવિડનું નામ પણ સામેલ છે.
વીરેન્દ્ર સેહવાગની ગણતરી વિશ્વ ક્રિકેટના સૌથી ખતરનાક ઓપનિંગ બેટ્સમેનોમાં થાય છે. આજે પણ ક્રિકેટ જગતમાં સેહવાગના નામે ઘણા એવા રેકોર્ડ છે, જેને તોડવા કોઈ પણ ખેલાડી માટે સરળ કામ નથી. ICC કોઈપણ ખેલાડીને હોલ ઓફ ફેમમાં સામેલ કરે છે જ્યારે તે આંતરરાષ્ટ્રીય ક્રિકેટમાંથી નિવૃત્તિના સાત વર્ષ પૂરા કરે છે.સેહવાગ આ સન્માન મેળવનાર ભારતનો આઠમો ખેલાડી છે. 9મી ભારતીય ખેલાડી ઉપરાંત ડાયના દુદુલજી પ્રથમ ભારતીય મહિલા ખેલાડી પણ છે. ICCએ અત્યાર સુધી તેના હોલ ઓફ ફેમમાં બહુ ઓછી મહિલા ખેલાડીઓને સ્થાન આપ્યું છે, જેમાં હવે ડાયના દુદુલજીનું નામ પણ સામેલ થઈ ગયું છે.હવે ભારત તરફથી બિશન સિંહ બેદી, સુનીલ ગાવસ્કર, કપિલ દેવ, અનિલ કુંબલે, રાહુલ દ્રવિડ, વિનુ માંકડ અને સચિન તેંડુલકર આ સન્માન મેળવી ચૂક્યા છે. આઈસીસી હોલ ઓફ ફેમમાં અત્યાર સુધી ઓસ્ટ્રેલિયાના સૌથી વધુ ખેલાડીઓ છે.
🇮🇳 🇱🇰 🇮🇳
Three stars of the game have been added to the ICC Hall of Fame 🏅
Details 👇https://t.co/gLSJSU4FvI
— ICC (@ICC) November 13, 2023
જો આપણે વિરેન્દ્ર સેહવાગના આંતરરાષ્ટ્રીય ક્રિકેટ પર નજર કરીએ તો તે મેચ વિનિંગ ખેલાડી તરીકે રમતો હતો. ટેસ્ટ અને મર્યાદિત ઓવરના ફોર્મેટમાં તેની રમવાની શૈલીમાં જરાય બદલાવ આવ્યો નથી. આ કારણે સેહવાગ ભારત તરફથી ટેસ્ટ ક્રિકેટમાં ત્રેવડી સદી ફટકારનાર પ્રથમ ખેલાડી બન્યો છે. સેહવાગે તેના આંતરરાષ્ટ્રીય ક્રિકેટમાં 17000 થી વધુ રન બનાવ્યા છે. 15 નવેમ્બરે ભારત અને ન્યુઝીલેન્ડ વચ્ચે રમાનારી સેમીફાઈનલ મેચ દરમિયાન આઈસીસી સેહવાગ અને ડાયનાનું સન્માન કરશે.