સુનીલ ગાવસ્કરને આજે મોટું સન્માન,પહેલીવાર ઈંગ્લેન્ડમાં કોઈ સ્ટેડિયમનું નામ ભારતીય ખેલાડીના નામ પર રાખવામાં આવશે

મુંબઈ:ઈંગ્લેન્ડમાં ભારતીય ક્રિકેટને મોટું સન્માન મળ્યું છે.ઈંગ્લેન્ડના સ્ટેડિયમનું નામ ભારતના ભૂતપૂર્વ કેપ્ટન અને મહાન બેટ્સમેન સુનીલ ગાવસ્કરના નામ પર રાખવામાં આવશે.લીસેસ્ટર ક્રિકેટ ગ્રાઉન્ડનું નામ શનિવારે એટલે કે આજે બદલવામાં આવશે. આવું પહેલીવાર બન્યું છે કે જ્યારે ઈંગ્લેન્ડમાં કોઈ સ્ટેડિયમનું નામ કોઈ ભારતીય ક્રિકેટરના નામ પર રાખવામાં આવ્યું હોય.

અમેરિકાના કેન્ટુકીમાં એક મેદાનનું નામ ‘સુનીલ ગાવસ્કર ફિલ્ડ’ છે. તે જ સમયે, તાંઝાનિયાના જંસીબારમાં ‘સુનીલ ગાવસ્કર ક્રિકેટ સ્ટેડિયમ’ તૈયાર કરવામાં આવી રહ્યું છે.હવે ગાવસ્કરને ઈંગ્લેન્ડમાં આ સન્માન મળ્યું છે.લીસેસ્ટર ક્રિકેટ ગ્રાઉન્ડનું નામ બદલવાની ઝુંબેશ ભારતીય મૂળના સાંસદ કીથ વાઝે શરૂ કરી હતી.તેણે લાંબા સમય સુધી લીસેસ્ટરનું પ્રતિનિધિત્વ કર્યું હતું.

આ સન્માન અંગે ગાવસ્કરે કહ્યું, “હું ખૂબ જ ખુશ છું અને સન્માનિત છું કારણ કે,લીસે સ્ટરમાં એક મેદાનનું નામ મારા નામ પર રાખવામાં આવ્યું છે.લીસેસ્ટરમાં રમત માટે જબરદસ્ત સમર્થન છે.તે મારા માટે ખરેખર એક મહાન સન્માનની વાત છે.” તે જ સમયે, કીથ વાઝે કહ્યું, “તે સન્માનિત અને રોમાંચિત છે.ગાવસ્કર વિશ્વના મહાન ક્રિકેટરોમાંથી એક છે. તે માત્ર લિટલ માસ્ટર જ નહીં પરંતુ રમતનો મહાન માસ્ટર પણ છે.