બોલિવૂડ અભિનેત્રી ડેઝી શાહનો આજે જન્મદિવસ, બેક સ્ટેજ ડાન્સરમાંથી બની હિરોઇન
- બોલિવૂડ અભિનેત્રી ડેઝી શાહનો આજે જન્મદિવસ
- બેક સ્ટેજ ડાન્સરમાંથી હિરોઇન બની ડેઝી શાહ
- સલમાનની ફિલ્મ ‘જય હો’ થી મળી સાચી ઓળખ
મુંબઈ: આજે બોલિવૂડ અભિનેત્રી ડેઝી શાહનો જન્મદિવસ છે. ગુજરાતી પરિવાર સાથે સંકળાયેલી ડેઝી બેચલર ઓફ આર્ટ્સની ડિગ્રી ધરાવે છે.બોલિવૂડમાં આવતા પહેલા ડેઝીએ ઘણી જાહેરાતોમાં કામ કર્યું છે. જ્યારે ડેઝી 10 માં ધોરણમાં હતી, ત્યારે તેને મિસ ફોટોજેનિકનું નામ આપવામાં આવ્યું હતું. ડેઝીએ નાની ઉંમરે આ વિશેષ સ્થાન હાંસલ કર્યું હતું.
ડેઝી શાહનો જન્મ 25 ઓગસ્ટ 1984 ના રોજ થયો હતો. તેના પિતા કાપડ મિલમાં કામ કરતા હતા. ડેઝીએ પોતાનો પ્રારંભિક અભ્યાસ મુંબઈથી જ કર્યો હતો, તે મિસ ડોમ્બિવલી પણ ચૂંટાઈ આવી હતી. ડેઝીએ તેની કારકિર્દી કોરિયોગ્રાફર ગણેશ આચાર્ય સાથે સહાયક તરીકે શરૂ કરી હતી.
ડેઝી શાહ વર્ષ 2003 માં સલમાન ખાનના ‘ઓ જાના’ અને ‘લગન લગી’ ગીતોમાં બેક સ્ટેજ ડાન્સમાં જોવા મળી હતી. તે પછી તેણે મોડેલિંગ શરૂ કર્યું. માત્ર 20 વર્ષની ઉંમરે તે ફિલ્મ ‘હમકો દિવાના કર ગયે’માં જોવા મળી હતી. આ પછી તે સાઉથ ઇન્ડસ્ટ્રી તરફ વળી. ડેઝીએ વર્ષ 2011 માં કન્નડ ફિલ્મ ભદ્રા કરી હતી, જેમાં તેના કામની ખૂબ પ્રશંસા કરવામાં આવી હતી. પરંતુ ડેઝીને તેની ઓળખ ફિલ્મ ‘જય હો’ થી મળી હતી, જેમાં તેને સલમાન ખાનની સામે કામ કરવાની તક મળી હતી. આ પછી ડેઝી ‘હેટ સ્ટોરી 3’ અને ‘રેસ 3’માં પણ જોવા મળી હતી.
સલમાન સાથે કામ કરવા છતાં, ડેઝીની કારકિર્દી અત્યાર સુધી કંઈ ખાસ રહી નથી. તે કેટલાક સમયથી ફિલ્મોથી પણ દૂર છે. જોકે તે સોશિયલ મીડિયા પર ખૂબ જ એક્ટિવ છે
