અમદાવાદ:ગુજરાતના મુખ્યમંત્રી કાર્યાલય (CMO)માં છેલ્લા 22 વર્ષથી તૈનાત એડિશનલ પબ્લિક રિલેશન ઓફિસર હિતેશ પંડ્યાએ શુક્રવારે તેમના પદ પરથી રાજીનામું આપ્યું હતું. હિતેશ પંડ્યાએ મોડી સાંજે ગુજરાતના મુખ્યમંત્રી ભૂપેન્દ્ર પટેલને પોતાનું રાજીનામું સોંપ્યું હતું.સૂત્રોના જણાવ્યા અનુસાર, હિતેશ પંડ્યાના રાજીનામાનું કારણ તેમના પુત્ર અમિત પંડ્યાના તેના કોનમેન કિરણ પટેલ સાથેના કનેક્શનને જણાવવામાં આવી રહ્યું છે.
જમ્મુ-કાશ્મીર પોલીસે તાજેતરમાં છેતરપિંડીના આરોપમાં કિરણ પટેલની ધરપકડ કરી હતી અને આ કેસમાં હિતેશ પંડ્યાના પુત્ર અમિત પંડ્યાને પણ પૂછપરછ માટે જમ્મુ-કાશ્મીર બોલાવવામાં આવ્યો હતો. કોનમેન કિરણ પટેલને આ મહિનાની શરૂઆતમાં જમ્મુ અને કાશ્મીર પોલીસે વડાપ્રધાન કાર્યાલય (PMO) ના અધિકારી તરીકે દર્શાવવાનો બનાવટી કેસ પ્રકાશમાં આવ્યા બાદ તેની ધરપકડ કરી હતી.
અહેવાલ મુજબ, 73 વર્ષીય હિતેશ પંડ્યાએ કહ્યું, ‘મેં મારું રાજીનામું મુખ્યમંત્રી (ભુપેન્દ્ર પટેલ)ને સોંપ્યું છે. મને કોઈએ રાજીનામું આપવા કહ્યું નથી. મને લાગ્યું કે મારે રાજીનામું આપવું જોઈએ. તેણે કહ્યું કે તે 31 માર્ચ સુધીમાં પોતાનું પેન્ડિંગ કામ પૂરું કરી લેશે અને મુખ્યમંત્રી કાર્યાલયમાંથી મુક્ત થઈ જશે.
અહેવાલ મુજબ,રાજીનામું આપ્યાના કલાકો પહેલા હિતેશ પંડ્યાએ સ્વીકાર્યું હતું કે તેનો 43 વર્ષીય પુત્ર અમિત આ મહિને તેની સંમતિથી કિરણ પટેલ સાથે વ્યવસાયિક હેતુ માટે જમ્મુ અને કાશ્મીરની મુલાકાતે ગયો હતો. અમિત અને જય સીતાપરા નામની અન્ય વ્યક્તિ કિરણ પટેલની આ મહિનાની શરૂઆતમાં જમ્મુ અને કાશ્મીરમાં ધરપકડ કરવામાં આવી ત્યારે તેની સાથે હતા. તેમણે કહ્યું કે અમિત અને સીતાપરાને જમ્મુ-કાશ્મીર પોલીસે આ મામલે પૂછપરછ માટે બોલાવ્યા છે.
