ઉત્તરપ્રદેશઃ 59 ટકા ઘરોમાં સ્માર્ટ ફોન હોવા છત્તાં ઓનલાઈન અભ્યાસથી વંચિત છે બાળકો, જાણો તેનું કારણ

• ઉત્તરપ્રદેશમાં ઓનલાઈન શિક્ષણથી વંચિત ઘણા બાળકો
• 59 ટકા ઘરોમાં છે સ્માર્ટ ફોન

ભારતમાં સરેરાશ 67.6 ટકા લોકો પાસે સ્માર્ટ ફોન ઉપલબ્ધ છે, જ્યારે યુપીમાં 58.9 ટકા પરિવારો પાસે સ્માર્ટ ફોન છે.વર્ષ 2018માં 30.4 ટકા અને 2020માં 53.7 ટકા પરિવારો પાસે સ્માર્ટફોન હતો. જો કે, એ અલગ વાત છે કે આમાંથી 34.3 ટકા ઘરોમાં બાળકોને શિક્ષણ માટે ફોન મળતો નથી. જ્યારે 18.7 ટકા વિદ્યાર્થીઓને અભ્યાસ માટે સ્માર્ટફોન આપવામાં આવ્યા છે. 47 ટકા બાળકોના માતા-પિતા ક્યારેક અભ્યાસ માટે સ્માર્ટફોન આપે છે તો ક્યારેક નહીં. બાળકોને મોબાઈલ ન આપનારાઓમાં બિહાર, પશ્ચિમ બંગાળ અને ઝારખંડ પછી યુપી ચોથા નંબરે છે.

લોકડાઉન દરમિયાન યુપીની સરકારી શાળાઓમાં બાળકોની સંખ્યામાં 13.2 ટકાનો વધારો થયો છે. તે સમગ્ર દેશમાં સૌથી વધુ કહી શકાય . તે જ સમયે, લોકડાઉનમાં શિક્ષણ મેળવવા માટે મોટી સંખ્યામાં વાલીઓએ પણ સ્માર્ટ ફોન ખરીદ્યા છે

વર્ષ. 2018માં જ્યાં 30.4 ટકા માતા-પિતા પાસે સ્માર્ટફોન હતો, હવે આ સંખ્યા વધીને 58.9 ટકા થઈ ગઈ છે. આ આંકડા એન્યુઅલ સ્ટેટસ ઓફ એજ્યુકેશન રિપોર્ટ 2021 ગ્રામીણના સર્વેમાં સામે આવ્યા છે. અગાઉ 2018માં સર્વે કરવામાં આવ્યો હતો.

રાજ્યમાં વર્ષ 2018ની જો વાત કરીએ તો 43.1 ટકા બાળકો સરકારી શાળાઓમાં ભણતા હતા અને હવે 56.3 ટકા નોંધાયેલા છે. નોંધણીમાં 13.2 નો વધારો થયો છે. યુપીમાં, 2018 માં સરકારી શાળાઓમાં 39.8 છોકરાઓ અને 46.7 છોકરીઓ હતી, જ્યારે 2021 માં, સરકારી શાળાઓમાં 54.8 છોકરાઓ અને 58.1 છોકરીઓ નોંધાઈ હતી. યુપીમાં 91.3 વિદ્યાર્થીઓ પાસે શાળા ખુલ્યા પછી પુસ્તકો પણ ઉપલબ્ધ જોવા મળે છે.