CM શિવરાજ સિંહ ચૌહાણની મોટી જાહેરાત,આ વિદ્યાર્થીઓને મેડિકલ અભ્યાસમાં મળશે 5% અનામત
- મધ્યપ્રદેશના સીએમ શિવરાજ સિંહ ચૌહાણનું મોટું એલાન
- વિદ્યાર્થીઓને મેડિકલ અભ્યાસમાં મળશે અનામત
- સરકારી શાળાના વિદ્યાર્થીઓને 5% અનામત મળશે
ભોપાલ: મધ્યપ્રદેશના મુખ્યમંત્રી શિવરાજ સિંહ ચૌહાણે મોટી જાહેરાત કરી છે. તેમણે કહ્યું કે રાજ્ય સરકાર આ વર્ષથી સરકારી શાળાના વિદ્યાર્થીઓ ને મેડિકલ અભ્યાસમાં પાંચ ટકા અનામત આપશે. મુખ્યમંત્રીએ દાવો કર્યો હતો કે મેડિકલ કોલેજોમાં નેશનલ એલિજિબિલિટી કમ એન્ટ્રન્સ ટેસ્ટ (NEET) દ્વારા પ્રવેશ શરૂ થયો હોવાથી સરકારી શાળાના બાળકો ડૉક્ટર બની શકતા નથી.
તેમણે કહ્યું કે દેશમાં પ્રથમ વખત મધ્યપ્રદેશ સરકારે આ યોજના લાગુ કરવાનો નિર્ણય લીધો છે જે અંતર્ગત સરકારી શાળાના વિદ્યાર્થીઓને મેડિકલ અભ્યાસમાં પાંચ ટકા અનામત આપવામાં આવશે. આ બેઠકો પર માત્ર સરકારી શાળાના વિદ્યાર્થીઓને જ પ્રવેશ આપવામાં આવશે.
સીએમ ચૌહાણે કહ્યું કે અત્યાર સુધી માત્ર ખાનગી શાળાના વિદ્યાર્થીઓ જ NEET પાસ કરતા હતા, પરંતુ હવેથી બે યાદી તૈયાર કરવામાં આવશે, એક સરકારી શાળાના વિદ્યાર્થી ઓ માટે અને બીજી ખાનગી શાળાના વિદ્યાર્થીઓ માટે. તેમણે કહ્યું કે ગરીબ પૃષ્ઠભૂમિના બાળકોને પણ આગળ વધવાની તક મળવી જોઈએ.
મુખ્યમંત્રી 1857ના વિદ્રોહ ના આદિવાસી ચિહ્નો રાજા શંકર શાહ અને તેમના પુત્ર કુંવર રઘુનાથ શાહના શહીદ દિવસ નિમિત્તે જબલપુરમાં આયોજિત કાર્યક્રમને સંબોધિત કરી રહ્યા હતા.મુખ્યમંત્રી ચૌહાણે 100 કરોડના ખર્ચે આદિવાસી રાણી દુર્ગાવતીનું સ્મારક બનાવવાની પણ જાહેરાત કરી હતી. તેમણે કહ્યું કે આ પ્રોજેક્ટ નો શિલાન્યાસ સમારોહ 5 ઓક્ટોબરે યોજાશે.
