દિલ્હી:રાજધાની દિલ્હીમાં CNGની કિંમતમાં 95 પૈસાનો વધારો કરવામાં આવ્યો છે.હવે તે 79.56 રૂપિયા પ્રતિ કિલોના ભાવે મળશે.નવા ભાવ શનિવારે સવારે 6 વાગ્યાથી લાગુ થઈ ગયા છે.IGLનું કહેવું છે કે તેની પાછળનું સૌથી મોટું કારણ કુદરતી ગેસના ભાવમાં વધારો છે.
અગાઉ 8 ઓક્ટોબરે CNGના ભાવમાં ફેરફાર કરવામાં આવ્યો હતો.IGL અનુસાર, 8 ઓક્ટોબરે CNGના ભાવમાં 3 રૂપિયાનો વધારો કરવામાં આવ્યો હતો.આ પછી સીએનજીની કિંમત વધીને 78.61 રૂપિયા પ્રતિ કિલો થઈ ગઈ, જે પહેલા 75.61 રૂપિયા પ્રતિ કિલો હતી.
આ પગલું ત્યારે લેવામાં આવ્યું છે જ્યારે કેન્દ્ર સરકાર 1 ઓક્ટોબરથી કુદરતી ગેસના ભાવમાં 40 ટકાનો વધારો કરવાની હતી.વર્ષના અંતમાં ફરી એકવાર CNGના ભાવમાં વધારો કરવામાં આવ્યો છે.
હવે ફરી એકવાર સીએનજીના ભાવ વધતા જ સામાન્ય લોકોના ખિસ્સા પર તેની તાત્કાલિક અસર પડી શકે છે.Ola-Uber જેવી સેવાઓ પણ વધુ ચાર્જ લઈ શકે છે.બીજી તરફ, જેઓ દરરોજ ઓટોમાં મુસાફરી કરે છે તેઓએ પણ તેમના ખિસ્સા વધુ ઢીલા કરવા પડશે.
