વિશ્વ તીરંદાજી ચેમ્પિયનશિપમાં સુવર્ણ ચંદ્રક જીતીને દીકરીઓએ રચ્યો ઈતિહાસ; પીએમ મોદીએ કહ્યું- દેશ માટે ગર્વની ક્ષણ
- વર્લ્ડ તીરંદાજી ચેમ્પિયનશિપમાં મહિલા કમ્પાઉન્ડ ટીમે જીત્યો ગોલ્ડ મેડલ
- બર્લિનમાં યોજાયેલી ચેમ્પિયનશિપમાં મેક્સિકોને હરાવ્યું
- પીએમ મોદીએ મહિલા કમ્પાઉન્ડ ટીમને અભિનંદન પાઠવ્યા
દિલ્હી: ભારતીય મહિલા કમ્પાઉન્ડ ટીમે વર્લ્ડ તીરંદાજી ચેમ્પિયનશિપમાં ગોલ્ડ મેડલ જીતીને ઈતિહાસ રચ્યો હતો. શનિવારે ટીમની પ્રશંસા કરતાં વડા પ્રધાન નરેન્દ્ર મોદીએ કહ્યું હતું કે તેમની મહેનત અને સમર્પણનું પરિણામ ઉત્તમ પરિણામ આવ્યું છે.
વડાપ્રધાન નરેન્દ્ર મોદીએ બર્લિનમાં વિશ્વ તીરંદાજી ચેમ્પિયનશિપમાં ભારતને પ્રથમ વખત સુવર્ણ ચંદ્રક જીતવા બદલ ભારતીય મહિલા કમ્પાઉન્ડ ટીમને અભિનંદન પાઠવ્યા છે.
જ્યોતિ સુરેખા વેન્નમ, અદિતિ સ્વામી અને પ્રનીત કૌરની ભારતીય મહિલા કમ્પાઉન્ડ ટીમે શુક્રવારે બર્લિનમાં વર્લ્ડ તીરંદાજી ચેમ્પિયનશિપની ફાઇનલમાં મેક્સિકોને હરાવીને ગોલ્ડ મેડલ જીતીને ઇતિહાસ રચ્યો હતો.
એક ટ્વીટમાં વડાપ્રધાનએ કહ્યું; “ભારત માટે ગર્વની ક્ષણ કારણ કે આપણી અસાધારણ કમ્પાઉન્ડ મહિલા ટીમ બર્લિનમાં આયોજિત વિશ્વ તીરંદાજી ચેમ્પિયનશિપમાં ભારતને પ્રથમવાર સુવર્ણ ચંદ્રક લાવી છે. આપણા ચેમ્પિયનને અભિનંદન! તેમની સખત મહેનત અને સમર્પણ આ ઉત્કૃષ્ટ પરિણામ તરફ દોરી ગયું છે.”
A proud moment for India as our exceptional compound Women's Team brings home India's first-ever gold medal in the World Archery Championship held in Berlin. Congratulations to our champions! Their hard work and dedication have led to this outstanding outcome. pic.twitter.com/oT8teX1bod
— Narendra Modi (@narendramodi) August 5, 2023
ભારતીયોએ એકતરફી ફાઇનલમાં તેમના ટોચના ક્રમાંકિત વિરોધીઓ સામે 235-229 થી જીત મેળવી હતી. આ ત્રણેયએ ચેમ્પિયનશિપમાં ભારતની મેડલ ટેલિકા પણ ખોલી હતી.
એક અન્ય પોસ્ટમાં વડાપ્રધાન મોદીએ કહ્યું કે વધુ સારી આરોગ્ય સુવિધાઓ પૂરી પાડવી એ તેમની સરકારની પ્રાથમિકતા છે. કેન્દ્રીય સ્વાસ્થ્ય મંત્રી મનસુખ માંડવિયા દ્વારા ડિજિટલ સ્વાસ્થ્ય સુવિધાઓ પર ટ્વીટ કરીને પીએમ મોદીએ કહ્યું કે, “આ ખૂબ જ સંતોષની વાત છે કે કરોડો લોકોને ડિજિટલ સુવિધાઓનો સંપૂર્ણ લાભ મળી રહ્યો છે.”
