- એલન મસ્ક છોડશે ટ્વિટરના સીઈઓનું પદ
- મહિલાના હાથમાં હશે કંપનીની કમાન
દિલ્હી : અબજોપતિ એલન મસ્કે ટ્વિટરના સીઈઓ પદેથી રાજીનામું આપવાની જાહેરાત કરી છે. મસ્કે કહ્યું કે તેણે ટ્વિટરના નવા સીઈઓ પસંદ કર્યા છે. જો કે તેણે હજુ સુધી નવા સીઈઓના નામની જાહેરાત કરી નથી. માઈક્રોબ્લોગિંગ પ્લેટફોર્મના માલિક મસ્કે સંકેત આપ્યા છે કે ટ્વિટરની નવી સીઈઓ મહિલા હશે.
Excited to announce that I’ve hired a new CEO for X/Twitter. She will be starting in ~6 weeks!
My role will transition to being exec chair & CTO, overseeing product, software & sysops.
— Elon Musk (@elonmusk) May 11, 2023
એલન મસ્કે ગુરુવારે ટ્વીટ કર્યું હતું કે તેઓ એ જાહેરાત કરતા ખુશ છે કે તેમણે ટ્વિટરના નવા સીઈઓ પસંદ કર્યા છે. તે છ સપ્તાહમાં પોતાની જવાબદારી સંભાળશે. તેણે લખ્યું, હું સીઈઓના પદ પરથી રાજીનામું આપીશ. હવે ટ્વિટરના એક્ઝિક્યુટિવ ચેરમેન અને ચીફ ટેક્નોલોજી ઓફિસર તરીકે કામ કરશે.
નવી વ્યક્તિ ઉત્તરાધિકારી તરીકે કાર્યભાર સંભાળે પછી પણ એલન મસ્ક નિર્ણય લેશે. મસ્કે ગુરુવારે જણાવ્યું હતું કે તેઓ એક્ઝિક્યુટિવ ચેરમેન અને ચીફ ટેક્નોલોજી ઓફિસર તરીકે પરિવર્તિત થશે અને બાદમાં ઉત્પાદનો અને સોફ્ટવેરની દેખરેખ પણ કરશે. મસ્કે શરૂઆતમાં જણાવ્યું હતું કે તે ટ્વિટરના સુકાન પર રહેવાની યોજના નથી બનાવતો અને તેની સમયની પ્રતિબદ્ધતા ઘટાડવાની તેની યોજના હતી.
એલન મસ્કે ગયા મહિનાના અંતમાં ટ્વીટ કરીને યુઝર્સને મોટો સંકેત આપ્યો હતો. તેમણે કહ્યું હતું કે યુઝર્સે દરેક લેખના આધારે ફી ચૂકવવી પડશે. તેમણે કહ્યું હતું કે જો યુઝર્સ માસિક સબસ્ક્રિપ્શન માટે સાઇન અપ નહીં કરે તો તેમને લેખ વાંચવા માટે વધુ પૈસા ચૂકવવા પડશે.
અગાઉ, મસ્કે વેરિફાઈડ એકાઉન્ટમાંથી બ્લુ ટિક દૂર કરવાની જાહેરાત કરી હતી. મસ્કએ કહ્યું હતું કે જે યુઝર્સ બ્લુ ટિક માટે પેમેન્ટ નહીં કરે તેમને બ્લુ ટિક નહીં મળે. એલન મસ્કે 12 એપ્રિલે બ્લુ ટિક વિશે ટ્વિટ કર્યું હતું. જેમાં તેમણે જણાવ્યું કે 20 એપ્રિલથી વેરિફાઈડ એકાઉન્ટમાંથી લેગેસી બ્લુ ટિક માર્ક હટાવવામાં આવશે. તેણે ટ્વીટ કરીને લખ્યું- લેગેસી બ્લુ ચેકમાર્ક 20 એપ્રિલથી હટાવી દેવામાં આવશે. મસ્ક પહેલાથી જ જાહેરાત કરી ચૂક્યા છે કે જો બ્લુ ટિકની જરૂર પડશે તો તેના માટે માસિક ચાર્જ ચૂકવવો પડશે.
