ફેસબુક ઝડપથી દૂર કરી રહ્યું છે તાલિબાનથી જોડાયેલ કન્ટેન્ટ, એક્ઝિક્યુટિવે આપી માહિતી
- ફેસબુક ઝડપથી દૂર કરી રહ્યું છે તાલિબાનથી જોડાયેલ કન્ટેન્ટ
- એક્ઝિક્યુટિવે આપી માહિતી
દિલ્હી : અફઘાનિસ્તાનમાં તાલિબાનોએ સત્તા સંભાળ્યા બાદ ફેસબુક તાલિબાનને પ્રમોટ કરનાર કન્ટેન્ટને તેના પ્લેટફોર્મ પરથી દૂર કરી રહ્યું છે. ફેસબુક ઇન્કના એક્ઝિક્યુટિવે જણાવ્યું હતું કે, કંપની તાલિબાનને પ્રોત્સાહન આપતી સામગ્રીને તેના પ્લેટફોર્મ પરથી સક્રિય રીતે દૂર કરી રહી છે.
ફેસબુકની ફોટો-શેરિંગ એપ ઇન્સ્ટાગ્રામના હેડ એડમ મોસેરીએ સોમવારે ઇન્ટરવ્યૂ દરમિયાન જણાવ્યું હતું કે, તાલિબાન કંપનીની ખતરનાક સંસ્થાઓની યાદીમાં છે અને તેથી ગ્રુપને પ્રોત્સાહન કે પ્રતિનિધિત્વ કરતી કોઈપણ સામગ્રી પર પ્રતિબંધ મૂકવામાં આવ્યો છે.
મોસેરીએ કહ્યું, “અમે એક નીતિ પર આધાર રાખી રહ્યા છીએ જે અમને તાલિબાન સાથે સંકળાયેલી કોઈપણ વસ્તુને સક્રિય રીતે દૂર કરવા સક્ષમ બનાવશે.” તેમણે આગળ કહ્યું કે હવે આ પરિસ્થિતિ ઝડપથી વધી રહી છે, અને આ સાથે મને ખાતરી છે કે જોખમ પણ વધશે. આપણે શું કરીએ છીએ તેમાં સુધારો કરવો જોઈએ અને જોવું જોઈએ કે આપણે આ વધતી મુશ્કેલીઓનો કેવી રીતે પ્રતિભાવ આપીએ છીએ.
તાલિબાન લડવૈયાઓએ કાબુલની રાજધાની પર કબજો કર્યા બાદ હજારો લોકો અફઘાનિસ્તાનથી ભાગી જવાનો પ્રયાસ કરી રહ્યા છે. યુએસએ સોમવારે કહ્યું હતું કે તે એરપોર્ટને સુરક્ષિત કરવા અને યુએસ નાગરિકો તેમજ સ્થાનિક રીતે કામ કરતા કામદારો અને તેમના પરિવારોને બહાર કાઢવા માટે પગલાં લઈ રહ્યું છે.
