સ્વાસ્થ્ય પ્રત્યેની એક બેદરકારી પણ અનેક પ્રકારની સમસ્યાઓનું કારણ બની શકે છે. ક્યારેક આખા શરીરમાં અથવા કોઈ એક ભાગમાં સોજો પણ આવે છે. ખાસ કરીને પગમાં સોજો એક સામાન્ય સમસ્યા બની ગઈ છે.આ સમસ્યા ખોટી જીવનશૈલી, પોષક તત્વોની અછત, શારીરિક પ્રવૃત્તિઓ ન કરવા અથવા સ્થૂળતાના કારણે થઈ શકે છે.આ સિવાય વધુ પડતું ચાલવું, વધતી ઉંમર, પ્રેગ્નન્સી, લાંબી ઈજા કે પગમાં યોગ્ય રક્ત પરિભ્રમણ ન થવાને કારણે પણ પગમાં સોજો આવે છે. નિષ્ણાતોના મતે, જ્યારે તમારા પેશીઓમાં પ્રવાહી એકત્ર થાય છે, ત્યારે તેને એડીમા કહેવામાં આવે છે, જે પગમાં સોજાનું કારણ છે.તમે કેટલીક પ્રાકૃતિક પદ્ધતિઓ અપનાવીને પણ આ દર્દથી રાહત મેળવી શકો છો.તો ચાલો જાણીએ તેમના વિશે…
તકિયા પર રાખો પગ
કેટલીકવાર ઘણા કલાકો સુધી સતત કામ કરવાને કારણે પગમાં સોજો પણ આવી શકે છે.આ સમસ્યામાંથી રાહત મેળવવા માટે, તમે પલંગ પર સૂઈ જાઓ અને કુશન અથવા તકિયાની મદદથી તમારા પગને સહેજ ઉંચા રાખો.પગને થોડો ઉંચો રાખવાથી ધીમે ધીમે સોજો સારો થઈ જશે.
વજન ઘટાડવું
વજન વધવાને કારણે પગમાં સોજો પણ આવી શકે છે.વજન વધવાથી રક્ત પરિભ્રમણમાં સમસ્યા થાય છે.જેના કારણે તમારા પગમાં સોજો પણ આવી શકે છે.તેથી જો તમારું વજન વધી રહ્યું છે, તો તેને નિયંત્રિત કરો.
પોટેશિયમની ઉણપને કારણે
ખોરાકમાં પોટેશિયમની ઉણપને કારણે પણ તમારા પગમાં સોજો આવી શકે છે.તેથી, તમારે તમારા આહારમાં પોટેશિયમ સમૃદ્ધ ખોરાક લેવો જોઈએ. કેળા, શક્કરિયા, બટેટા, એવોકાડો, દાડમ, પાલક જેવી વસ્તુઓ ખાઓ.
8-10 ગ્લાસ પાણી પીવો
શરીરમાં પાણીની ઉણપને કારણે પણ પગમાં સોજો આવી શકે છે.તેથી, તમારા શરીરને હાઇડ્રેટ રાખવા માટે દિવસમાં ઓછામાં ઓછું 8-10 ગ્લાસ પાણી પીવો.તેનાથી તમારું શરીર હાઇડ્રેટ રહેશે અને પગનો સોજો પણ ઠીક થઈ જશે.
મેગ્નેશિયમ ભરપૂર ફૂડ ખાઓ
મેગ્નેશિયમની ઉણપથી પણ પગમાં દુખાવો થઈ શકે છે.તેથી, તમારે આહારમાં મેગ્નેશિયમ ભરપૂર ફૂડ લેવો જોઈએ.તમે બદામ, બ્રોકોલી, ડાર્ક ચોકલેટ, લીલા શાકભાજી, દહીં જેવા ખોરાકનું સેવન કરી શકો છો.
